Huang Zhenglong: చైనాకు చెందిన 38 ఏళ్ల హువాంగ్ జెంగ్లాంగ్ అసాధ్యమైన పనిని సుసాధ్యం చేసి చూపించారు. వరుసగా 100 రోజుల పాటు ప్రతిరోజూ 100 కిలోమీటర్ల మేర పరిగెత్తి సరికొత్త గిన్నిస్ వరల్డ్ రికార్డును తన పేరిట లిఖించుకున్నారు.
‘లాంగ్ షావో’ అని పిలవబడే ఈయన, తన పట్టుదలతో మొత్తం 10,000 కిలోమీటర్ల దూరాన్ని అధిగమించారు. కరోనా సమయంలో తన వ్యాపారం కోల్పోయినప్పటికీ, ఆ నిరాశను తన విజయానికి బాటగా మార్చుకుని ప్రపంచాన్ని ఆశ్చర్యపరిచారు.
Read also: Strait of Hormuz: ఈజిప్ట్ సూయజ్ కాలువలో రుసుముకు ఒక రూల్..హోర్ముజ్ కు ఒక రూలా?
uang Zhenglong Guinness Record Run
Huang Zhenglong: గాయాలనూ లెక్కచేయని గమ్యం
ఈ రన్నింగ్ ప్రయాణం హువాంగ్కు అంత సులభంగా ఏమీ సాగలేదు. పరుగు ప్రారంభించిన కేవలం పదో రోజునే ఆయన కాలికి తీవ్రమైన గాయమైంది. అయినప్పటికీ వెనకడుగు వేయకుండా, వైద్యుల పర్యవేక్షణలో నొప్పిని భరిస్తూ తన లక్ష్యం వైపు అడుగులు వేశారు. ప్రతిరోజూ ఉదయం 7 గంటలకు పరుగు మొదలుపెట్టి, సాయంత్రం 5 గంటల వరకు నిరంతరాయంగా శ్రమించేవారు. విపరీతమైన అలసట వేధిస్తున్నా, తన మనోబలంతో ప్రతిరోజూ 100 కిలోమీటర్ల మార్కును చేరుకుని అందరినీ ఆశ్చర్యంలో ముంచెత్తారు.
గిన్నిస్ రికార్డుతో చరిత్ర సృష్టి
మార్చి 15వ తేదీన హువాంగ్ తన 10,000వ కిలోమీటరును పూర్తి చేయడంతో ఈ చారిత్రాత్మక పరుగు ముగిసింది. ఆ సమయంలో అక్కడికి చేరుకున్న వేలాది మంది అభిమానులు ఆయనకు ఘనస్వాగతం పలికారు. గిన్నిస్ వరల్డ్ రికార్డ్స్ ప్రతినిధులు ఆయన ఘనతను స్వయంగా పరిశీలించి అధికారికంగా ధృవీకరించారు. తన విజయం ద్వారా సోమరితనాన్ని వదిలి వ్యాయామంపై ఆసక్తి పెంచుకోవాలని ఆయన యువతకు పిలుపునిచ్చారు. మనిషి తలచుకుంటే ఏ సవాలునైనా జయించవచ్చని హువాంగ్ జెంగ్లాంగ్ మరోసారి నిరూపించారు.
Read hindi news: hindi.vaartha.com
Epaper: epaper.vaartha.com
Read Also:
పాక్ దౌత్య వైఫల్యం: అమెరికా-ఇరాన్ చర్చలు విఫలం..కారణం ఇదేనా?