ఈ మేరకు గృహ నిర్మాణ శాఖ కీలక ఉత్తర్వులను జారీ చేసింది. పట్టణాల్లో స్థలం ఉండి ఇల్లు కట్టుకోలేని వారికి, నిరుపేద కుటుంబాలకు ఈ నిర్ణయం ద్వారా పెద్ద ఎత్తున పక్కా గృహాలు సమకూరనున్నాయి. నగరాలు, పట్టణాల్లో అద్దె ఇళ్లల్లో ఉంటూ ఆర్థికంగా ఇబ్బందులు పడుతున్న వేలాది మంది పేదలకు ఈ పథకం ఒక వరంగా మారనుంది.

జాప్యం లేని అనుమతులు: సింగిల్ విండో విధానం మరియు ఫీజుల మినహాయింపు

ఈ ప్రతిష్టాత్మక హౌసింగ్ స్కీమ్‌ను ఎటువంటి అడ్డంకులు లేకుండా, వేగంగా లబ్ధిదారులకు చేర్చాలనే ఉద్దేశంతో ప్రభుత్వం విప్లవాత్మక మార్పులు తీసుకొచ్చింది. ఇళ్ల నిర్మాణ అనుమతుల ప్రక్రియలో ఎలాంటి ఆలస్యం జరగకుండా ఉండేందుకు ప్రత్యేకంగా ‘సింగిల్ విండో కమిటీ’ని ఏర్పాటు చేసింది. ఈ కమిటీ ద్వారా దరఖాస్తుదారులకు అన్ని రకాల అనుమతులు అతి తక్కువ సమయంలోనే లభించనున్నాయి. దీనితో పాటు పేదలపై అదనపు ఆర్థిక భారం పడకుండా ఉండేందుకు.. ఈ పథకం కింద నిర్మించే ఇళ్లకు ప్లానింగ్ ఛార్జీలు, బిల్డింగ్ పర్మిషన్ ఫీజుల నుంచి ప్రభుత్వం పూర్తి మినహాయింపు ఇచ్చింది. ప్రభుత్వ తీసుకున్న ఈ నిర్ణయాలతో అనుమతుల్లో అవినీతికి తావులేకుండా ఇళ్ల నిర్మాణం శరవేగంగా సాగనుంది.

ఇంతటి క్రూరత్వమా! రూ.20 కోసం వృద్ధుడిని గొడ్డలితో నరికి చంపిన కిరాతకుడు!