ఈ సందర్భంగా చిత్రంలో కీలక పాత్ర పోషించిన సీనియర్ నటుడు జగపతిబాబు సోషల్ మీడియాలో పంచుకున్న ఒక ఆసక్తికర వీడియో ఇప్పుడు నెట్టింట తెగ వైరల్ అవుతోంది. సినిమాలోని తన గెటప్‌లో రోడ్డుపై సాధారణ వ్యక్తిలా నడిచినా కూడా జనాలు తనను గుర్తుపట్టలేకపోయారని ఆయన ఈ వీడియో ద్వారా వెల్లడించారు.

Read also: SPB Birth Anniversary: ఎస్పీ బాలు 80వ జయంతి.. "తెలుగు భాష ఉన్నంత కాలం ఆయన జీవించే ఉంటారు".. చంద్రబాబు

Jagapathi Babu hits the road in a 'big' getup.. People don't recognize him!

Jagapathi Babu Peddi Movie Look: అప్పలసూరి లుక్‌లో జగపతిబాబు ప్రయోగం

సినిమా విడుదలకు ఒకరోజు ముందు జగపతిబాబు తన 'ఎక్స్' ఖాతాలో ఈ వీడియోను పోస్ట్ చేశారు. 'పెద్ది' చిత్రంలో ఆయన 'అప్పలసూరి' అనే విలక్షణమైన పాత్రను పోషించారు. భారీ ప్రోస్థటిక్ మేకప్, తెల్ల జుట్టు, పగిలిన కళ్లద్దాలు, పాతబడిన దుస్తులతో జగపతిబాబు గుర్తుపట్టలేనంతగా మారిపోయారు. ఈ గెటప్‌లోనే ఆయన సాధారణంగా రోడ్డుపై నడుచుకుంటూ వెళ్లినా చుట్టుపక్కల వారు ఎవరూ గుర్తుపట్టలేదు. ఈ వీడియోకు జగపతిబాబు.. అప్పలసూరి రోడ్డున పడినా కూడా ఎవరూ గుర్తుపట్టలేదు అంటూ పెట్టిన క్యాప్షన్ అభిమానులను విశేషంగా ఆకట్టుకుంటోంది.

టీ కొట్టుకు వెళ్లినా నో రికగ్నిషన్!

షూటింగ్ సమయంలో కూడా ఈ గెటప్ ఎంతవరకు వర్కవుట్ అవుతుందో పరీక్షించేందుకు జగపతిబాబు ఓ టీ కొట్టుకు వెళ్లారట. అక్కడ టీ తాగుతున్నా కూడా చుట్టుపక్కల వారు కనీసం గమనించలేదని, అంత అద్భుతంగా మేకప్ కుదిరిందని చిత్ర యూనిట్ పేర్కొంది. దర్శకుడు బుచ్చిబాబు సానా తెరకెక్కించిన 'పెద్ది' ఒక పీరియాడిక్ గ్రామీణ స్పోర్ట్స్ యాక్షన్ డ్రామా. తన కెరీర్‌లోనే 'అప్పలసూరి' పాత్ర ఎంతో గుర్తుండిపోతుందని జగపతిబాబు అభిప్రాయపడ్డారు. ఈ విలక్షణమైన రూపాన్ని తీర్చిదిద్దిన దర్శకుడు బుచ్చిబాబుతో పాటు, జాతీయ అవార్డు గ్రహీత, మేకప్ ఆర్టిస్ట్ రషీద్‌లపై ఆయన ప్రశంసల జల్లు కురిపించారు.

భారీ తారాగణంతో 'పెద్ది'

1980ల నాటి గ్రామీణ ఆంధ్రప్రదేశ్ నేపథ్యంలో సాగే ఈ భారీ చిత్రంలో బాలీవుడ్ బ్యూటీ జాన్వీ కపూర్ కథానాయికగా నటించగా.. కన్నడ సూపర్ స్టార్ శివ రాజ్‌కుమార్, దివ్యేందు, బోమన్ ఇరానీ వంటి ప్రముఖ నటులు కీలక పాత్రలు పోషించారు. మైత్రీ మూవీ మేకర్స్ అత్యంత ప్రతిష్టాత్మకంగా నిర్మించిన ఈ చిత్రానికి ఆస్కార్ విజేత ఏ.ఆర్. రెహమాన్ సంగీతం అందించారు. సినిమా విడుదల రోజున జగపతిబాబు షేర్ చేసిన ఈ వీడియో, ఆయన పాత్రపై ప్రేక్షకుల్లో అంచనాలను, ఆసక్తిని మరింతగా పెంచేసింది.