జూన్ 4న విడుదలైన ఈ చిత్రం ప్రేక్షకులను విశేషంగా ఆకట్టుకుంటూ రికార్డుల వేటను కొనసాగిస్తోంది. ప్రపంచవ్యాప్తంగా దాదాపు రూ. 400 కోట్లకు పైగా గ్రాస్ వసూళ్లను సాధించి, చరణ్ కెరీర్‌లోనే వన్ ఆఫ్ ది బిగ్గెస్ట్ హిట్‌గా నిలిచింది. ఈ భారీ విజయాన్ని పురస్కరించుకుని చిత్ర బృందం హైదరాబాద్‌లో అత్యంత వైభవంగా 'పెద్ది మెగా బ్లాక్‌బస్టర్ ఈవెంట్'ను నిర్వహించింది.

హైదరాబాద్‌లో జరిగిన ఈ సక్సెస్ వేడుకకు మెగాస్టార్ చిరంజీవి ముఖ్య అతిథిగా విచ్చేసి చిత్ర యూనిట్‌ను అభినందించారు. ఈ కార్యక్రమంలో స్టార్ డైరెక్టర్లు సుకుమార్, అనిల్ రావిపూడి, హీరో రామ్‌చరణ్‌తో పాటు చిత్ర యూనిట్ అంతా పాల్గొని సందడి చేశారు. అయితే ఈ వేడుక కేవలం కలెక్షన్ల ఆనందాన్ని పంచుకోవడానికే పరిమితం కాకుండా, సమాజం పట్ల చిత్ర బృందానికి ఉన్న బాధ్యతను చాటిచెప్పేలా సాగడం విశేషం.

Read Also : Sukumar : పెద్ది వేడుకలో మెగా ఫ్యాన్స్ కు సారీ చెప్పిన సుకుమార్

'Peddi' Success Celebrations: Charan's Special Gift to Orphaned Children

Peddi Movie: చిన్నారుల కోసం రామ్ చరణ్ వినూత్న నిర్ణయం

సినిమా సాధించిన ఘన విజయాన్ని అనాథాశ్రమాల్లోని అమాయక చిన్నారులతో పంచుకోవాలని చిత్ర యూనిట్ ఒక గొప్ప నిర్ణయం తీసుకుంది. 'పెద్ది' సినిమాలో రామ్ చరణ్ ఉపయోగించిన ప్రత్యేకమైన క్రికెట్ బ్యాట్‌కు ఆడియన్స్‌లో విపరీతమైన క్రేజ్ లభించింది. అదే డిజైన్‌ను పోలిన కొన్ని ప్రత్యేకమైన రెప్లికా బ్యాట్లను చిత్రబృందం సిద్ధం చేయించింది. వాటిపై మెగా పవర్ స్టార్ రామ్ చరణ్ స్వయంగా ఆటోగ్రాఫ్స్ చేసి, ఆ అరుదైన క్రికెట్ బ్యాట్లను అనాథాశ్రమాల్లోని పిల్లలకు బహుమతిగా అందజేశారు. తమ అభిమాన స్టార్ హీరో సైన్ చేసిన బ్యాట్లను చేతుల్లోకి పట్టుకున్న ఆ చిన్నారుల ముఖాల్లో వ్యక్తమైన ఆనందం నెటిజన్లను కట్టిపడేస్తోంది. ప్రస్తుతం ఇందుకు సంబంధించిన ఫొటోలు, వీడియోలు సోషల్ మీడియాలో విపరీతంగా ట్రెండ్ అవుతున్నాయి.

ఈ అద్భుతమైన సామాజిక కార్యక్రమం వెనుక 'పెద్ది' చిత్ర ఆర్ట్ డైరెక్టర్ అవినాష్ కొల్ల కృషి ఎంతో ఉంది. సినిమాలో హీరో వాడిన ఒరిజినల్ బ్యాట్ డిజైన్ అదే నాణ్యతతో ప్రత్యేక రెప్లికా బ్యాట్లను ఆయన డిజైన్ చేశారు. చిత్ర యూనిట్ చేసిన విజ్ఞప్తిని గౌరవిస్తూ, ఎంతో శ్రద్ధ తీసుకొని మరీ ఈ బ్యాట్లను తయారు చేయించి, ఈ సేవా కార్యక్రమం విజయవంతం కావడంలో అవినాష్ కీలక పాత్ర పోషించారు. సినిమా సక్సెస్‌ను కేవలం కలెక్షన్ల లెక్కలతో ముడిపెట్టకుండా, ఇలా చిన్నారుల పెదవులపై చిరునవ్వులు చిందించేలా ఉపయోగించడంపై ఇండస్ట్రీ వర్గాలతో పాటు నెటిజన్లు సైతం 'పెద్ది' టీమ్‌పై ప్రశంసల వర్షం కురిపిస్తున్నారు.