జూన్ 4న ఈ చిత్రం ప్రపంచవ్యాప్తంగా థియేటర్లలోకి రానుంది. ఈ నేపథ్యంలో మే 28న దేశ రాజధాని న్యూఢిల్లీలో చిత్ర బృందం ఘనంగా మీడియా సమావేశాన్ని నిర్వహించింది. ఈ ప్రెస్ మీట్‌లో హీరో రామ్ చరణ్, కథానాయిక జాన్వీ కపూర్, దర్శకుడు బుచ్చిబాబు సానా, సీనియర్ నటుడు బొమన్ ఇరానీ, దివ్యేందు శర్మ తదితరులు పాల్గొన్నారు.

Ram Charan Interview

‘పెద్ది’ కథపై ప్రధాని మోదీ ఆసక్తి.. చరణ్ క్రేజీ కామెంట్స్!

ఈ సమావేశంలో రామ్ చరణ్ ఒక ఆసక్తికరమైన సంఘటనను పంచుకున్నారు. గతంలో తాను ఢిల్లీలో గౌరవ ప్రధానమంత్రి నరేంద్ర మోదీని కలిసినప్పుడు, ఆయన ‘పెద్ది’ సినిమా కథాంశం గురించి అడిగి తెలుసుకున్నారని చరణ్ చెప్పారు. “క్రీడల ద్వారా గ్రామీణ, గిరిజన ప్రాంతాల యువతను ఎలా చైతన్యపరచవచ్చనేదే ఈ సినిమా ప్రధాన ఇతివృత్తం అని ప్రధానికి వివరించాను. నా మాటలు విన్న మోదీ గారు.. పశ్చిమ బెంగాల్‌లోని ఒక మారుమూల గ్రామానికి చెందిన ‘మహమ్మద్’ అనే ఫుట్‌బాల్ ఆటగాడి రియల్ స్టోరీని నాకు చెప్పారు. ఆ ఒక్క ప్లేయర్ ఇచ్చిన స్ఫూర్తితోనే ఈ రోజు ఆ విలేజ్‌లో దాదాపు 80 శాతం మంది ఫుట్‌బాల్ ఆడుతున్నారని ప్రధాని తెలిపారు” అని చరణ్ పేర్కొన్నారు. ‘పెద్ది’ కూడా సరిగ్గా అలాంటి మట్టి వాసన ఉన్న, ప్రతి ఒక్కరినీ ఇన్‌స్పైర్ చేసే కథ అని ఆయన ధీమా వ్యక్తం చేశారు.

read also: Peddi Ticket : మెగా ఫ్యాన్స్ కు గుడ్ న్యూస్

Ram Charan: ‘రంగస్థలం’ సెంటిమెంట్ రిపీట్ అవుతుంది: మెగా పవర్ స్టార్

గతంలో గ్రామీణ నేపథ్యంతో తాను చేసిన సినిమాలు బాక్సాఫీస్ వద్ద ఎంతటి ఘనవిజయం సాధించాయో, ‘పెద్ది’ కూడా అదే స్థాయిలో ప్రేక్షకులను అలరిస్తుందని రామ్ చరణ్ నమ్మకం వ్యక్తం చేశారు. గత రెండున్నరేళ్లుగా చిత్ర యూనిట్ పడిన కష్టం థియేటర్లలో కేవలం వినోదాన్ని మాత్రమే కాకుండా, ప్రేక్షకుల్లో ఒక మంచి స్ఫూర్తిని కూడా నింపుతుందని అన్నారు. ఈ సందర్భంగా ఢిల్లీ మీడియాకు ఆయన ప్రత్యేక కృతజ్ఞతలు తెలిపారు.

నా మూలాలను వెతుక్కునే ప్రయాణం: జాన్వీ కపూర్

హీరోయిన్ జాన్వీ కపూర్ మాట్లాడుతూ.. ‘పెద్ది’ సినిమా తన కెరీర్‌లో ఒక ప్రత్యేకమైన చిత్రమని, తన మూలాలను తాను కనుగొనేలా చేసిన ప్రయాణం ఇదని ఎమోషనల్ అయ్యారు. కుటుంబమంతా కలిసి థియేటర్లలో చూడదగిన అద్భుతమైన క్లీన్ ఫ్యామిలీ ఎంటర్‌టైనర్ ఇదని ఆమె పేర్కొన్నారు.

భారీ అంచనాలతో జూన్ 4న గ్రాండ్ రిలీజ్

మైత్రీ మూవీ మేకర్స్, సుకూమార్ రైటింగ్స్, వెంకట సతీశ్ కిలారు సంయుక్తంగా నిర్మిస్తున్న ఈ చిత్రానికి ఆస్కార్ విజేత ఏఆర్ రెహమాన్ అద్భుతమైన సంగీతాన్ని అందించారు. ఇప్పటికే విడుదలైన ‘మస్సా మస్సా’, ‘హేలలల్లో’ సాంగ్స్ చార్ట్‌బస్టర్స్‌గా నిలిచాయి. సెన్సార్ బోర్డు నుంచి యూ/ఏ (U/A) సర్టిఫికేట్ లభించిన ఈ చిత్రం, అత్యాధునిక డాల్బీ సినిమా (Dolby Cinema) ఫార్మాట్‌లో కూడా అత్యంత భారీ స్థాయిలో రిలీజ్ కాబోతోంది. బెంగళూరు ఈవెంట్ తర్వాత, ఇప్పుడు ఢిల్లీ ప్రెస్ మీట్‌తో ఈ సినిమాపై అంచనాలు స్కై హైకి చేరాయి.

Read Also hindi news: hindi.vaartha.com

Read Also Epaper : epaper.vaartha.com

Read also:

అమ్మ జ్ఞాపకార్థం 6.5 లక్షల మొక్కలు నాటిన సాయాజీ షిండే