కడుపు ఉబ్బరం, గ్యాస్ వంటి సమస్యలను నివారించడంలో పెరుగు ఎంతగానో సహాయపడుతుంది. అయితే, పెరుగు తినేటప్పుడు చాలా మందికి ఒక పెద్ద సందేహం వస్తుంటుంది. పెరుగులో ఉప్పు వేసుకుని తినాలా? లేక చక్కెర కలుపుకోవాలా? ఈ రెండింటిలో ఏది మన శరీరానికి మేలు చేస్తుందో ఇప్పుడు శాస్త్రీయంగా తెలుసుకుందాం.

పెరుగులో ఉప్పు కలిపి తింటున్నారా? అయితే ఈ విషయాలు తెలుసుకోండి!

చాలా మంది మజ్జిగలో లేదా పెరుగులో ఉప్పు వేసుకుని తాగడానికి, తినడానికి ఇష్టపడతారు. అయితే, పెరుగులో మనం రోజూ వాడే సాధారణ టేబుల్ సాల్ట్ (ఉప్పు) కలపడం వల్ల ఒక పెద్ద మైనస్ ఉంది. పెరుగులో మన పొట్టకు మేలు చేసే ‘లాక్టోబాసిల్లస్’ అనే మంచి బ్యాక్టీరియా ఉంటుంది. మనం ఉప్పు కలపగానే ఆ బ్యాక్టీరియా చనిపోతుంది. దీనివల్ల పెరుగులోని ప్రోబయోటిక్ గుణాలు, అసలైన పోషక విలువలు తగ్గిపోతాయి.

• మంచి ప్రత్యామ్నాయం: ఒకవేళ మీకు పెరుగులో ఉప్పు లేకుండా అస్సలు నచ్చకపోతే.. సాధారణ ఉప్పుకు బదులుగా కొద్దిగా నల్ల ఉప్పు (Black Salt) లేదా సైంధవ లవణం (Rock Salt) వాడుకోవడం ఉత్తమం.
• వీరు దూరంగా ఉండాలి: అధిక రక్తపోటు (High BP) సమస్య ఉన్నవారు పెరుగులో ఉప్పు వేసుకుని అస్సలు తినకూడదు. ఇది వారి బీపీ స్థాయిలను మరింత పెంచే ప్రమాదం ఉంది.

Curd Benefits: పెరుగులో చక్కెర (తీపి) కలిపితే ఏం జరుగుతుంది?

మరోవైపు పెరుగులో పంచదార లేదా చక్కెర కలిపి తినడం వల్ల ఒక లాభం ఉంది. చక్కెర వల్ల పెరుగులో ఉండే మేలు చేసే మంచి బ్యాక్టీరియా నశించదు. అందువల్ల ఇది పేగుల ఆరోగ్యానికి, జీర్ణవ్యవస్థకు పూర్తి స్థాయిలో మద్దతు ఇస్తుంది. అంతేకాదు, కడుపులో మంట, ఎసిడిటీ లేదా చికాకుగా ఉన్నప్పుడు తీపి పెరుగు తింటే తక్షణ ఉపశమనం లభిస్తుంది.

గమనిక (వీరు జాగ్రత్తగా ఉండాలి):

• బరువు తగ్గాలనుకునే వారు: ఊబకాయం ఉన్నవారు లేదా వెయిట్ లాస్ అవ్వాలనుకునే వారు చక్కెర కలిపిన పెరుగుకు దూరంగా ఉండాలి. ఎందుకంటే ఇందులో క్యాలరీలు ఎక్కువగా ఉండి బరువు పెరిగేలా చేస్తాయి.
• మధుమేహం (Diabetes) ఉన్నవారు: షుగర్ వ్యాధిగ్రస్తులు తీపి పెరుగును అస్సలు ముట్టుకోకూడదు. ఇది రక్తంలో గ్లూకోజ్ స్థాయిలను ఒక్కసారిగా పెంచేస్తుంది.

మీ శరీర తత్వానికి ఏది బెస్ట్?

పెరుగును ఉప్పుతో తినాలా లేక చక్కెరతో తినాలా అనేది పూర్తిగా మీ శరీర ఆరోగ్య పరిస్థితిపై ఆధారపడి ఉంటుంది. మీరు గనుక డయాబెటిస్, హైబీపీ లేదా ఓవర్ వెయిట్ వంటి ఆరోగ్య సమస్యలతో బాధపడుతుంటే.. ప్లెయిన్ (సహజ సిద్ధమైన) పెరుగును అలాగే తినడం లేదా నిపుణులు, వైద్యుల సలహా మేరకు మాత్రమే ఉప్పు, చక్కెరలను వాడుకోవడం ఆరోగ్యానికి ఎంతో శ్రేయస్కరం.

కీరదోస ఎక్కువగా తింటున్నారా? అయితే అందరికీ ఇది సరిపడదు!