అత్యవసరంగా డబ్బు అవసరమైనప్పుడు బ్యాంకుల చుట్టూ తిరగాల్సిన అవసరం లేకుండా, ఇప్పుడు మీ స్మార్ట్ఫోన్ నుంచే లోన్ పొందే అవకాశం అందుబాటులోకి వచ్చింది.
ప్రముఖ డిజిటల్ పేమెంట్ యాప్ ఫోన్పే,(Phone Pay) తన వినియోగదారులకు తక్షణ రుణ సేవలను అందిస్తూ ఆర్థిక అవసరాలను సులభంగా తీర్చే మార్గాన్ని కల్పిస్తోంది. ఫోన్పే పలు బ్యాంకులు, NBFC సంస్థలతో భాగస్వామ్యం చేసుకొని సులభమైన ప్రక్రియతో పర్సనల్ లోన్స్ అందిస్తోంది. ఈ రుణాలకు ఎలాంటి ఆస్తి పూచీకత్తు అవసరం లేకుండా, ఆదాయం మరియు క్రెడిట్ స్కోర్ ఆధారంగా మంజూరు చేస్తారు.
లోన్ ముఖ్య వివరాలు
- రుణ మొత్తం: రూ.10,000 నుంచి రూ.5 లక్షల వరకు
- వడ్డీ రేటు: వార్షికంగా సుమారు 11.3% నుంచి 35% వరకు
- తిరిగి చెల్లింపు కాలం: 12 నెలల నుంచి 5 సంవత్సరాల వరకు
- డబ్బు జమ: దరఖాస్తు ఆమోదం తర్వాత 72 గంటల్లో బ్యాంక్ ఖాతాలోకి జమ
ఎవరు అర్హులు?
- వయస్సు: 21 నుంచి 60 సంవత్సరాల మధ్య
- నెలవారీ ఆదాయం: కనీసం రూ.15,000
- క్రెడిట్ స్కోర్: 650 కంటే ఎక్కువ ఉంటే అర్హత మెరుగవుతుంది
అవసరమైన డాక్యుమెంట్లు
- ఆధార్ కార్డ్, పాన్ కార్డ్
- గత 6 నెలల బ్యాంక్ స్టేట్మెంట్
- జీతం స్లిప్స్
లోన్ అప్లై చేసే విధానం
ఫోన్పే యాప్లో Loans విభాగంలోకి వెళ్లి, మీ(Phone Pay) వ్యక్తిగత వివరాలను నమోదు చేసి అర్హతను చెక్ చేసుకోవాలి. కావాల్సిన లోన్ మొత్తం, కాలపరిమితిని ఎంపిక చేసి డాక్యుమెంట్లు అప్లోడ్ చేసి దరఖాస్తు సబ్మిట్ చేయాలి. సకాలంలో EMIలు చెల్లిస్తే క్రెడిట్ స్కోర్ మెరుగవుతుంది, తద్వారా భవిష్యత్తులో పెద్ద లోన్లు పొందేందుకు అవకాశం ఉంటుంది. అత్యవసర వైద్య ఖర్చులు, చిన్న వ్యాపార అవసరాల కోసం ఈ ఇన్స్టంట్ లోన్స్ ఉపయోగకరంగా ఉంటాయి.
Read hindi news: hindi.vaartha.com
Epaper : epaper.vaartha.com