Suryakumar Yadav: ఐపీఎల్ 2026లో రాయపూర్ వేదికగా జరిగిన అత్యంత ఉత్కంఠభరిత పోరులో రాయల్ ఛాలెంజర్స్ బెంగళూరు (RCB) చేతిలో ముంబై ఇండియన్స్ పరాజయం పాలైంది.

ఈ ఓటమితో ఐదుసార్లు ఛాంపియన్ అయిన ముంబై, అధికారికంగా ప్లేఆఫ్స్ రేసు నుంచి నిష్క్రమించింది. మ్యాచ్ అనంతరం ముంబై ఇండియన్స్ కెప్టెన్ సూర్యకుమార్ యాదవ్ తన ఆవేదనను వ్యక్తం చేస్తూ టీమ్ ప్రదర్శనపై కీలక వ్యాఖ్యలు చేశారు.

Read Also:IPL 2026 : నేడు మరో కీలక మ్యాచ్..ఇందులో ఓడితే ఆ జట్టు ఇంటికే

తప్పుల నుంచి పాఠాలు నేర్చుకుంటాం

పాయింట్ల పట్టికలో అడుగున ఉండటం ముంబై ఇండియన్స్ లాంటి జట్టుకు ఎప్పుడూ అలవాటు లేని విషయమని సూర్య పేర్కొన్నారు.”ఈ సీజన్ మాకు ఎన్నో పాఠాలను నేర్పింది. పట్టికలో చివరన ఉండటం మాకు చాలా బాధాకరంగా ఉంది. ఈ ఓటమిని జీర్ణించుకోవడం కష్టమే, కానీ తప్పులను సరిదిద్దుకుని వచ్చే ఏడాది మరింత బలంగా తిరిగి వస్తామన్న నమ్మకం ఉంది,” అని సూర్య ధీమా వ్యక్తం చేశారు.

IPL 2026 Mumbai Indians Out of Playoffs

Suryakumar Yadav: రాజ్ బావాపై ప్రశంసల జల్లు

చివరి ఓవర్‌లో ఉత్కంఠ రేపిన యువ ఆల్‌రౌండర్ రాజ్ బావా ప్రదర్శనపై సూర్యకుమార్ ప్రత్యేకంగా స్పందించారు. అనుభవం తక్కువైనా ఆఖరి ఓవర్ బాధ్యతను బావాకు అప్పగించడంపై క్లారిటీ ఇచ్చారు.

• కఠిన శ్రమ: గతేడాది నుంచి బావా తన బౌలింగ్‌ను మెరుగుపరుచుకోవడానికి ఎంతో కష్టపడుతున్నాడని సూర్య తెలిపారు.
• కొత్త ఆల్‌రౌండర్‌గా గుర్తింపు: ఈ సీజన్‌లో బావా ఒక పరిణతి చెందిన ఆల్‌రౌండర్‌గా కనిపిస్తున్నాడని కొనియాడారు.
• చివరి వరకు పోరాటం: ఆఖరి ఓవర్‌లో బావా అద్భుతంగా బౌలింగ్ చేశాడని, దాదాపు తమను గెలిపించినంత పని చేశాడని కెప్టెన్ అభినందించారు.