అక్టోబర్ 23న దాదాపు మూడు నిమిషాల నిడివితో కూడిన ఒక పవర్‌ఫుల్ స్పెషల్ టీజర్‌ను విడుదల చేసేందుకు చిత్రబృందం ప్రణాళికలు రచిస్తోంది. ఈ టీజర్ ద్వారా సినిమా మూడ్, ప్రభాస్ పాత్ర స్వభావాన్ని చాలా గ్రాండ్‌గా ఆవిష్కరించబోతున్నారని తెలుస్తోంది. అధికారిక ప్రకటన రాకపోయినప్పటికీ, ఈ వార్త సోషల్ మీడియాలో విపరీతంగా ట్రెండ్ అవుతూ అభిమానుల్లో భారీ అంచనాలను నెలకొల్పింది.

విడుదల వాయిదా.. టీజర్‌తో సర్ ప్రైజ్ కానుక!

వాస్తవానికి ఈ చిత్రాన్ని ఈ ఏడాది డిసెంబర్‌లోనే ప్రేక్షకుల ముందుకు తీసుకురావాలని మేకర్స్ తొలత భావించారు. అయితే, నిర్మాణ నాణ్యతలో ఎక్కడా రాజీ పడకూడదనే ఉద్దేశంతో పాటు విజువల్ ఎఫెక్ట్స్ (VFX) వర్క్ అద్భుతంగా రావడం కోసం సినిమా విడుదలను వచ్చే ఏడాదికి వాయిదా వేసినట్లు సమాచారం. ఈ వాయిదాతో కొంత నిరాశ చెందిన అభిమానులను ఖుషీ చేసేందుకే మేకర్స్ ఈ మూడు నిమిషాల టీజర్ ప్లాన్ చేసినట్లు తెలుస్తోంది. పీరియాడిక్ యాక్షన్ డ్రామాగా తెరకెక్కుతున్న ఈ చిత్రంలో ప్రభాస్ లుక్, యాక్షన్ సీక్వెన్సెస్ హాలీవుడ్ ప్రమాణాలకు తగ్గట్టుగా ఉండబోతున్నాయని, ఈ పుట్టినరోజు అప్‌డేట్ ప్రభాస్ ఫ్యాన్స్‌కు డబుల్ ధమాకా కావడం ఖాయమని సమాచారం.

'ది ప్యారడైజ్' ఓటీటీ స్ట్రీమింగ్‌పై బిగ్ అప్‌డేట్!