Fauzi First Single Release: 'కల్కి 2898 AD' వంటి భారీ విజయం తర్వాత రెబల్ స్టార్ ప్రభాస్ నటిస్తున్న ప్రతిష్టాత్మక చిత్రం 'ఫౌజీ'.

'సీతారామం'తో మేజిక్ చేసిన దర్శకుడు హను రాఘవపూడి ఈ చిత్రాన్ని ఒక పీరియడ్ యాక్షన్ డ్రామాగా తెరకెక్కిస్తున్నారు. మైత్రీ మూవీ మేకర్స్ అత్యంత భారీ బడ్జెట్‌తో నిర్మిస్తున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది.

Read Also:Ek Din Movie Collections: సాయి పల్లవి బాలీవుడ్ ఎంట్రీకి బ్రేక్: బాక్సాఫీస్ వద్ద చతికిలపడ్డ 'ఏక్ దిన్'

ఈ నెలాఖరునే ఫస్ట్ సింగిల్!

సినిమాపై అంచనాలను రెట్టింపు చేస్తూ చిత్ర యూనిట్ ఫస్ట్ సింగిల్ విడుదలకు సిద్ధమైంది. విశ్వసనీయ సమాచారం ప్రకారం, ఈ నెలాఖరులోనే సినిమాలోని మొదటి పాటను విడుదల చేయాలని మేకర్స్ ప్లాన్ చేస్తున్నారు. ఇప్పటికే ఈ లిరికల్ సాంగ్‌కు సంబంధించిన పోస్ట్ ప్రొడక్షన్ పనులు పూర్తయ్యాయని, రెండు మూడు రోజుల్లోనే అధికారిక ప్రకటన వచ్చే అవకాశం ఉందని తెలుస్తోంది.

Prabhas Fauzi Movie Updates

Fauzi First Single Release: మరో 'సీతారామం' లాంటి మ్యూజికల్ మ్యాజిక్?

హను రాఘవపూడి సినిమాల్లో సంగీతానికి ప్రత్యేక ప్రాధాన్యత ఉంటుంది. 'సీతారామం'కు క్లాసిక్ ఆల్బమ్ అందించిన విశాల్ చంద్రశేఖర్ ఈ సినిమాకు కూడా సంగీతాన్ని సమకూర్చుతున్నారు. ప్రభాస్ ఇమేజ్‌కు తగ్గట్టుగా, అదే సమయంలో కథలోని ఎమోషన్‌ను ప్రతిబింబించేలా అద్భుతమైన ట్యూన్స్‌ను విశాల్ సిద్ధం చేసినట్లు సమాచారం. ఈ చిత్రానికి ప్రముఖ సినిమాటోగ్రాఫర్ సుదీప్ ఛటర్జీ విజువల్స్ అందిస్తున్నారు.