Kalyandurg Food Safety Training: ఆహారం అనేది కేవలం ఆకలి తీర్చేదిగా మాత్రమే కాకుండా ప్రజల ఆరోగ్యాన్ని ప్రభావితం చేసే కీలక అంశమని, అందువల్ల ఆహార భద్రత ప్రమాణాలను ప్రతి వ్యాపారి తప్పనిసరిగా పాటించా లని ఆహార భద్రత శిక్షకుడు కలకండ ప్రవీణ్ కుమార్ పేర్కొన్నారు.

మంగళ వారం పట్టణంలోని ఎస్వీఎస్ ఫంక్షన్ హాల్‌లో భారత ఆహార భద్రత ప్రమాణాల సంస్థ ఆధ్వర్యంలో ఆహార భద్రత శిక్షణ మరియు ధ్రువీకరణ కార్యక్రమం నిర్వహించారు.

కళ్యాణ దుర్గం పట్టణంలోని హోటల్ యజమా నులు, కిరాణా వ్యాపారులు, బేకరీ నిర్వాహకులు, వీధి ఆహార విక్రేతలు పెద్ద సంఖ్యలో ఈ శిక్షణలో పాల్గొన్నారు. ఆహార తయారీ, నిల్వ, పంపిణీ, విక్రయ ప్రక్రియలలో పాటించాల్సిన పరిశుభ్రతా నియమాలు, భద్రతా ప్రమాణాలను శిక్షకుడు ప్రవీణ్ కుమార్ సవివరంగా వివరించారు. ఇటీ వలి కాలంలో కల్తీ ఆహారం, అస్వచ్ఛ వాతావరణంలో తయారయ్యే పదార్థాల వల్ల ప్రజారోగ్య సమస్యలు పెరుగుతు న్నాయని ఆయన ఆందోళన వ్యక్తం చేశారు. చిన్న నిర్లక్ష్యమే పెద్ద అనారోగ్యాలకు దారితీస్తుందని హెచ్చ రించారు. ముఖ్యంగా వీధి ఆహార విక్రేతలు పరిశుభ్రతను పాటించడం ద్వారా ప్రజల్లో విశ్వాసాన్ని పెంచుకోవచ్చ న్నారు.

ఆహార భద్రత మరియు ప్రమాణా ల చట్టంలోని సెక్షన్ 31 ప్రకారం ప్రతి ఆహార వ్యాపారి తప్పనిసరిగా ఆహార అనుమతి పత్రం పొందాలని, అనుమతి పత్రం లేని వ్యాపారాలపై చట్టపరమైన చర్యలు తీసుకునే అవకాశం ఉందని తెలిపారు. కేవలం లాభాపేక్షతో కాకుండా "ప్రజలకు ఆరోగ్యకరమైన ఆహారం అందించాలి" అనే సామాజిక బాధ్యతతో వ్యాపారులు ముందుకు రావాలని పిలుపునిచ్చారు.

Anantapur division head Lalitha distributing food safety certification to local street food vendors after training

ఆహార పదార్థాల తయారీలో ఉపయో గించే నీటి నాణ్యత, వంట సామగ్రి పరిశుభ్రత, ఉద్యోగుల వ్యక్తిగత శుభ్రత, నిల్వ విధానాలు వంటి అంశాలపై దృశ్య ప్రదర్శన ద్వారా అవగాహన కల్పించారు. ఆహార భద్రత సేవల సంస్థ భారత ఆహార భద్రత(Kalyandurg Food Safety Training) ప్రమాణాల సంస్థ గుర్తింపు పొందిన శిక్షణ భాగస్వామి అని, ఆహార భద్రత శిక్షణ ధ్రువీకరణ భవిష్యత్తులో ఆహార వ్యాపా రులకు మరింత ప్రాముఖ్యతను తీసుకు రానుందని వివరించారు.