ప్రమాణ స్వీకారం తర్వాత స్టాలిన్‌ను కలిసిన సీఎం విజయ్

CM Vijay: తమిళనాడు నూతన ముఖ్యమంత్రి, TVK అధినేత విజయ్, సోమవారం నాడు డీఎంకే అధినేత, మాజీ ముఖ్యమంత్రి ఎంకే స్టాలిన్‌ను మర్యాదపూర్వకంగా కలిశారు.

అసెంబ్లీలో ఎమ్మెల్యేగా ప్రమాణ స్వీకారం పూర్తి చేసిన వెంటనే విజయ్ నేరుగా చెన్నైలోని స్టాలిన్ నివాసానికి చేరుకోవడం రాజకీయ వర్గాల్లో చర్చనీయాంశమైంది.

Chief Minister Vijay Meets M.K. Stalin

తన నివాసానికి వచ్చిన ముఖ్యమంత్రి విజయ్‌కు ఎంకే స్టాలిన్ సాదర స్వాగతం పలికారు. విజయ్‌ను ఆత్మీయంగా ఆలింగనం చేసుకున్న స్టాలిన్, ఆయనను శాలువాతో సత్కరించి అభినందనలు తెలిపారు. ఈ భేటీలో స్టాలిన్ కుమారుడు, మాజీ మంత్రి ఉదయనిధి స్టాలిన్ కూడా పాల్గొని విజయ్‌తో ముచ్చటించారు. ముఖ్యమంత్రిగా బాధ్యతలు చేపట్టిన తర్వాత విజయ్, స్టాలిన్‌ను కలవడం ఇదే తొలిసారి కావడంతో ఈ భేటీకి ప్రాధాన్యత ఏర్పడింది.

CM Vijay: కృతజ్ఞతా పూర్వక భేటీ

తమిళనాడులో విజయ్ ప్రభుత్వం ఏర్పాటు చేయడంలో డీఎంకే మిత్రపక్షాలైన కాంగ్రెస్, వీసీకే, సీపీఐ, సీపీఎంల మద్దతు కీలక పాత్ర పోషించింది. టీవీకే పార్టీకి మద్దతు ఇచ్చే విషయంలో తన మిత్రపక్షాలకు స్టాలిన్ పూర్తి స్వేచ్ఛను ఇచ్చారు. ఈ నేపథ్యంలో, తాను ముఖ్యమంత్రి పీఠం అధిష్టించడానికి పరోక్షంగా సహకరించిన స్టాలిన్‌కు వ్యక్తిగతంగా కృతజ్ఞతలు తెలిపేందుకే విజయ్ ఈ పర్యటన పెట్టుకున్నట్లు రాజకీయ విశ్లేషకులు భావిస్తున్నారు.

కొత్త ఒరవడికి నాంది?

సాధారణంగా తమిళ రాజకీయాల్లో అధికార, ప్రతిపక్ష నేతల మధ్య తీవ్రమైన వైరం కనిపిస్తుంటుంది. అయితే, విజయ్ తన ప్రమాణ స్వీకారం అనంతరం మాజీ సీఎం స్టాలిన్‌ను కలవడం ఒక ఆరోగ్యకరమైన రాజకీయ ఒరవడికి సంకేతంగా కనిపిస్తోంది. ఈ భేటీకి సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.