Priyanka Chopra Anomaly Brand: భారతదేశపు అతిపెద్ద రిటైల్ సంస్థ రిలయన్స్‌ రిటైల్‌, బ్యూటీ, పర్సనల్ కేర్ విభాగంలో తన ఆధిపత్యాన్ని చాటుకునే దిశగా మరో కీలక అడుగు వేసింది.

గ్లోబల్ స్టార్ ప్రియాంక చోప్రా స్థాపించిన అంతర్జాతీయ హెయిర్‌కేర్ బ్రాండ్ 'అనామలీ (Anomaly)'ను రిలయన్స్ రిటైల్ పూర్తిగా స్వాధీనం చేసుకుంది. ఈ ఒప్పందంతో బ్రాండ్‌కు సంబంధించిన ట్రేడ్‌మార్క్‌లు, డిజిటల్ ప్లాట్‌ఫారమ్‌లు, మేధో సంపత్తి హక్కులు (Intellectual Property) ఇకపై రిలయన్స్ ఆధీనంలో ఉండనున్నాయి.

Read Also: Saipallavi : పాపం..బాలీవుడ్ లో సాయి పల్లవి కి ఘోర పరాభవం !!

2021లో ప్రియాంక చోప్రా ప్రారంభించిన ‘అనామలీ’, అతి తక్కువ కాలంలోనే అంతర్జాతీయంగా గుర్తింపు పొందింది. తక్కువ ధరలో రసాయన రహిత (Chemical-free), వేగన్ హెయిర్‌కేర్ ఉత్పత్తులను అందించడమే ఈ బ్రాండ్ ప్రత్యేకత. రిలయన్స్ బ్యూటీ ప్లాట్‌ఫారమ్ ‘Tira’ ద్వారా ఈ బ్రాండ్‌ను భారత్‌తో పాటు ఉత్తర అమెరికా, యూకే, మధ్యప్రాచ్య దేశాల్లో భారీగా విస్తరించేందుకు ప్రణాళికలు సిద్ధం చేశారు.

ఇషా అంబానీ వ్యూహాత్మక నిర్ణయం

ఈ ఒప్పందంపై రిలయన్స్ రిటైల్ వెంచర్స్ లిమిటెడ్ డైరెక్టర్ ఇషా అంబానీ స్పందిస్తూ.. ఇది ఒక వ్యూహాత్మక అడుగు అని అభివర్ణించారు. అనామలీ బ్రాండ్‌కు ఉన్న గ్లోబల్ క్రేజ్, నాణ్యత, అందుబాటు ధరలు భారతీయ వినియోగదారులను విశేషంగా ఆకర్షిస్తాయని ఆమె ధీమా వ్యక్తం చేశారు. మార్కెట్ అంతర్దృష్టులు, డేటా విశ్లేషణల ఆధారంగా భవిష్యత్తులో మరిన్ని కొత్త ఉత్పత్తులను ఈ బ్రాండ్ ద్వారా తీసుకురానున్నట్లు తెలిపారు.

Priyanka Chopra Anomaly Brand: క్రియేటివ్ డైరెక్టర్‌గా ప్రియాంక చోప్రా