రాజధాని నిర్మాణ పనుల పురోగతిపై కాంట్రాక్ట్ సంస్థలు మరియు ఉన్నతాధికారులతో నిర్వహించిన ఉన్నత స్థాయి సమీక్షా సమావేశంలో ఆయన మాట్లాడారు. గత ఐదేళ్ల వైఎస్సార్‌సీపీ ప్రభుత్వం ఉద్దేశపూర్వకంగానే అమరావతి పనులను పూర్తిగా నిలిపివేసిందని ఆయన విమర్శించారు. ప్రస్తుతం పనులు మళ్లీ ఊపందుకున్న తరుణంలో, కొందరు వ్యక్తులు లిటిగెంట్లుగా మారి కోర్టు కేసులు, ఇతర రూపాల్లో పనులను అడ్డుకోవడానికి కుట్రపూరిత ప్రయత్నాలు చేస్తున్నారని మండిపడ్డారు. ఇలాంటి అడ్డంకులకు భయపడకుండా, ఐదు కోట్ల ఆంధ్రుల భవిష్యత్తు మరియు రాష్ట్ర ప్రయోజనాలను గుండెల్లో పెట్టుకుని నిర్మాణ పనులను శరవేగంగా ముందుకు తీసుకెళ్లాలని అధికారులను, కాంట్రాక్టర్లను సీఎం ఆదేశించారు.

గిరిజన హక్కుల కోసమే పవన్ ఆ శాఖ తీసుకున్నారు.. నాగబాబు

నాణ్యతలో రాజీ పడొద్దు.. ప్రారంభోత్సవానికి ప్రధాని మోదీకి ఆహ్వానం

అమరావతిలో నిర్మించే ప్రతి కట్టడం భావితరాలకు నిలిచేలా అంతర్జాతీయ ప్రమాణాలతో ఉండాలని, నిర్మాణాల నాణ్యత విషయంలో ఎలాంటి రాజీ పడకూడదని చంద్రబాబు కాంట్రాక్ట్ సంస్థలకు గట్టి హెచ్చరికలు జారీ చేశారు. నిర్ణీత కాలపరిమితిలోగా ఐకానిక్ భవనాలు, సచివాలయం, క్వార్టర్ల నిర్మాణాలను పూర్తి చేయాలని దిశానిర్దేశం చేశారు. రాజధాని ప్రధాన ప్రాజెక్టులు మరియు ప్రతిష్టాత్మక భవనాల పనులు తుది దశకు చేరుకుని, ప్రారంభానికి సిద్ధమయ్యాక.. వాటి ప్రారంభోత్సవ కార్యక్రమానికి గౌరవ ప్రధానమంత్రి నరేంద్ర మోదీని స్వయంగా ఆహ్వానించనున్నట్లు ముఖ్యమంత్రి వెల్లడించారు. కేంద్ర ప్రభుత్వ సహకారంతో అమరావతిని దేశంలోనే అత్యుత్తమ రాజధానిగా నిలబెడతామనే ధీమాను ఈ సందర్భంగా ఆయన వ్యక్తపరిచారు.

బెల్ట్ షాపుల అక్రమాలపై ఎక్సైజ్ అధికారులకు వినతిపత్రం