DK Shivakumar : కర్ణాటక రాజకీయాల్లో ఏ ఇద్దరు అగ్ర నేతల మధ్య అయినా ఆధిపత్య పోరు, ముఖ్యంగా ముఖ్యమంత్రి కుర్చీ కోసం సాగే ఘర్షణలు ఏ స్థాయిలో ఉంటాయో అందరికీ తెలిసిందే.

కానీ, కాబోయే కర్ణాటక ముఖ్యమంత్రి డీకే శివకుమార్ (DKS) నడిపిన రాజకీయం మాత్రం అత్యంత భిన్నమైనది మరియు వ్యూహాత్మకమైనది. ఒకే పార్టీలో ఉంటూ సీఎం పదవి కోసం సిద్ధరామయ్యతో పోటీ పడినప్పటికీ, ఆయన ఎక్కడా బహిరంగంగా విభేదాలను ప్రదర్శించలేదు. పైగా, ఎప్పుడూ సిద్ధరామయ్య వెన్నంటే ఉంటూ, అధిష్ఠానం పెద్దలను ప్రసన్నం చేసుకుంటూ తెరవెనుక చక్రం తిప్పారు. తాజాగా సిద్ధరామయ్య తన ముఖ్యమంత్రి పదవికి రాజీనామా చేస్తున్నట్లు ప్రకటించిన చారిత్రాత్మక సందర్భంలోనూ డీకే శివకుమార్ ఆయన పక్కనే నిలిచారు. అంతటితో ఆగకుండా, సిద్ధరామయ్య పాదాలకు నమస్కరించి తన సంస్కారాన్ని చాటుకుంటూనే, అటు అధిష్ఠానానికి, ఇటు ప్రజలకు ఒక బలమైన సానుకూల సంకేతాన్ని పంపారు.

Read Also : అమ్యూజ్‌మెంట్ పార్కులో కూలిన రైడ్.. ఐదుగురికి గాయాలు!

శత్రువును కూడా ఆత్మీయుడిగా మార్చుకునే వ్యూహం.. ‘డీకేఎస్’ గేమ్ ప్లాన్ అదుర్స్!

ప్రత్యర్థులను దూరం పెట్టడం కంటే, వారిని అత్యంత ఆత్మీయంగా దగ్గరకు తీస్తూనే అనుకున్న లక్ష్యాన్ని సాధించడమే నిజమైన చాణక్య నీతి. డీకే శివకుమార్ సరిగ్గా ఇదే సూత్రాన్ని అమలు చేశారు. ముఖ్యమంత్రి పదవిని దక్కించుకోవడానికి డీకేఎస్ అనుసరించిన గేమ్ ప్లాన్ ఇప్పుడు రాజకీయ వర్గాల్లో హాట్ టాపిక్‌గా మారింది. సిద్ధరామయ్యపై కాంగ్రెస్ హైకమాండ్ ద్వారా ఒత్తిడి తెప్పించి, సజావుగా అధికార మార్పిడి (Power Sharing Formula) జరిగేలా ఆయన పావులు కదిపారు. ఈ క్రమంలో ఎలాంటి వివాదాలకు, అసమ్మతి గ్రూపులకు తావు లేకుండా క్లీన్ ఇమేజ్‌తో సీఎం కుర్చీ వైపు అడుగులు వేశారు. సిద్ధరామయ్య రాజీనామా సమయంలో ఆయన చూపిన వినయం, విధేయత డీకేఎస్ అభిమానులను ఎంతగానో అలరిస్తున్నాయి. రాజకీయ చదరంగంలో ప్రత్యర్థికి చెక్ పెట్టడమే కాకుండా, వారి చేతనే జై కొట్టించుకోవడంలో డీకే శివకుమార్ శైలి నిజంగా అమోఘమని ఆయన అనుచరులు కొనియాడుతున్నారు.