SRH vs RR Eliminator Match: ఐపీఎల్ 2026 సీజన్ ప్లేఆఫ్స్‌లో భాగంగా రాజస్థాన్ రాయల్స్ (RR) జట్టుతో జరుగుతున్న చావోరేవో తేల్చుకోవాల్సిన ఎలిమినేటర్ (Eliminator) మ్యాచ్ లో సన్‌రైజర్స్ హైదరాబాద్ (SRH) జట్టు బ్యాటింగ్ లైన్అప్ ఘోరంగా విఫలమై తీవ్ర ఒత్తిడిలో పడింది.

రాజస్థాన్ బౌలర్ల ధాటికి తట్టుకోలేక సన్‌రైజర్స్ వరుస విరామాల్లో వికెట్లు కోల్పోతూ కేవలం 137 పరుగుల స్కోరు వద్దే 6 కీలక వికెట్లను చేజార్చుకుంది.

టాప్ ఆర్డర్ దారుణ వైఫల్యం.. కట్టడి చేసిన ఆర్చర్!

ఈ ప్రతిష్టాత్మక మ్యాచ్‌లో టాస్ గెలిచి ప్రత్యర్థి బౌలర్లను ఎదుర్కొనేందుకు బరిలోకి దిగిన హైదరాబాద్ జట్టుకు ఆరంభంలోనే భారీ షాక్ తగిలింది. ఓపెనర్ అభిషేక్ శర్మ డకౌట్ (0) గా వెనుతిరగ్గా, స్టార్ బ్యాటర్ ట్రావిస్ హెడ్ కూడా కేవలం 13 పరుగులకే పెవిలియన్ చేరాడు. ఆ తర్వాత ఇషాన్ కిషన్ (33), నితీష్ కుమార్ రెడ్డి (38) క్రీజులో నిలదొక్కుకునే ప్రయత్నం చేసినప్పటికీ భారీ ఇన్నింగ్స్‌లుగా మార్చలేకపోయారు. మిడిల్ ఆర్డర్ నమ్మకం హెన్రిచ్ క్లాసెన్ సైతం 18 పరుగులకే అవుట్ కావడంతో సన్‌రైజర్స్ కోలుకోలేని దెబ్బతింది.4

రాజస్థాన్ రాయల్స్(SRH vs RR Eliminator Match) స్టార్ పేసర్ జోఫ్రా ఆర్చర్ అద్భుతమైన స్పెల్‌తో చెలరేగి ఒంటరిగా 3 వికెట్లు పడగొట్టి హైదరాబాద్ నడుము విరిచాడు. అతనికి తోడుగా నాంద్రె బర్గర్, యశ్ రాజ్ పుంజా చెరో వికెట్ తీసి కట్టుదిట్టమైన బౌలింగ్‌తో హైదరాబాద్‌ను పీకల్లోతు కష్టాల్లోకి నెట్టారు. ప్రస్తుతం క్రీజులో కెప్టెన్ పాట్ కమిన్స్, సలీల్ అరోరా ఉన్నారు.