IPL 2026: మొహాలీ వేదికగా జరిగిన ఐపీఎల్ 2026 ఎలిమినేటర్ మ్యాచ్‌లో రాజస్థాన్ రాయల్స్ బ్యాటర్లు ఆకాశమే హద్దుగా చెలరేగారు. ముఖ్యంగా యువ సంచలనం వైభవ్ సూర్యవంశీ విధ్వంసకర ఇన్నింగ్స్‌తో సన్‌రైజర్స్ హైదరాబాద్ బౌలర్లను ముప్పుతిప్పలు పెట్టాడు.

నిర్ణీత 20 ఓవర్లలో రాజస్థాన్ రాయల్స్ 8 వికెట్ల నష్టానికి 243 పరుగుల భారీ స్కోరును సాధించింది.

ipl 2026 eliminator rr vs srh

Read also: IPL 2026 - SRH Vs RR : SRH కు 244 టార్గెట్ ఇచ్చిన RR

సూర్యవంశీ సిక్సర్ల విందు: రికార్డు బద్దలు

టాస్ గెలిచిన సన్‌రైజర్స్ కెప్టెన్ పాట్ కమిన్స్ బౌలింగ్ ఎంచుకోగా, ఆ నిర్ణయం తప్పని రాజస్థాన్ ఓపెనర్లు నిరూపించారు. 14 ఏళ్ల వైభవ్ సూర్యవంశీ కేవలం 29 బంతుల్లోనే 97 పరుగులు (5 ఫోర్లు, 12 సిక్సర్లు) సాధించి చరిత్ర సృష్టించాడు. ఈ క్రమంలో పాట్ కమిన్స్ వేసిన ఒకే ఓవర్‌లో సూర్యవంశీ 25 పరుగులు రాబట్టాడు. ఒక ఐపీఎల్ సీజన్‌లో 600 పరుగులు పూర్తి చేసిన అత్యంత పిన్న వయస్కుడిగా రిషబ్ పంత్ పేరిట ఉన్న రికార్డును అధిగమించాడు. దురదృష్టవశాత్తూ కేవలం 3 పరుగుల దూరంలో సెంచరీ మిస్ చేసుకున్నాడు.

IPL 2026: రాణించిన ధ్రువ్ జురెల్ మరియు మిడిల్ ఆర్డర్

సూర్యవంశీ అవుటైన తర్వాత ధ్రువ్ జురెల్ (21 బంతుల్లో 50) మెరుపు హాఫ్ సెంచరీతో స్కోరును పరుగులు పెట్టించాడు. యశస్వి జైస్వాల్ (29), కెప్టెన్ రియాన్ పరాగ్ (26) కూడా కీలక పరుగులు జోడించడంతో రాజస్థాన్ కొండంత లక్ష్యాన్ని నిర్దేశించింది.

బౌలింగ్‌లో విఫలమైన సన్‌రైజర్స్

సన్‌రైజర్స్ బౌలర్లు రాజస్థాన్ ధాటికి భారీగా పరుగులు సమర్పించుకున్నారు. కెప్టెన్ పాట్ కమిన్స్ 4 ఓవర్లలో వికెట్ లేకుండా 64 పరుగులు ఇచ్చాడు. ప్రఫుల్ హింగే 3 వికెట్లు తీసినప్పటికీ 54 పరుగులు ఇచ్చాడు. నితీష్ కుమార్ రెడ్డి (2 ఓవర్లలో 12 పరుగులు) మాత్రమే పొదుపుగా బౌలింగ్ చేశాడు. 244 పరుగుల లక్ష్యంతో బరిలోకి దిగుతున్న హైదరాబాద్, టోర్నీలో నిలవాలంటే అద్భుతం చేయాల్సి ఉంది.