IPL Qualifier 2 : ఐపీఎల్ 2026 క్వాలిఫయర్-2లో రాజస్థాన్ రాయల్స్ నిర్దేశించిన 215 పరుగుల భారీ లక్ష్యాన్ని ఛేదించేందుకు బరిలోకి దిగిన గుజరాత్ టైటాన్స్ దూకుడుగా ఆడుతోంది.

ఓపెనర్లు సాయి సుదర్శన్, శుభ్‌మన్ గిల్ ఆరంభం నుంచే దాడికి దిగుతూ స్కోరుబోర్డును వేగంగా ముందుకు నడిపిస్తున్నారు. పవర్‌ప్లేలోనే రాజస్థాన్ బౌలర్లపై ఒత్తిడి పెంచిన ఈ జోడీ జట్టుకు అద్భుతమైన ఆరంభాన్ని అందించింది.

సుదర్శన్‌కు లైఫ్.. రాజస్థాన్‌కు నిరాశ

నాంద్రే బర్గర్ బౌలింగ్‌లో సాయి సుదర్శన్ ఔట్ అయ్యే ప్రమాదం నుంచి తప్పించుకున్నాడు. డీప్ స్క్వేర్ లెగ్ ప్రాంతంలో వచ్చిన క్యాచ్ అవకాశాన్ని రాజస్థాన్ ఫీల్డర్లు అందిపుచ్చుకోలేకపోయారు. దీంతో సుదర్శన్‌కు కీలక లైఫ్ దక్కింది. ఆ అవకాశాన్ని వినియోగించుకున్న అతడు మరింత ధైర్యంగా షాట్లు ఆడుతూ స్కోరు వేగాన్ని పెంచుతున్నాడు.

Read also:IPL 2026: RR-GT మ్యాచ్ టాస్ సమయంలో తీవ్ర గందరగోళం!

స్ట్రాటజిక్ టైమ్‌అవుట్‌కు ముందు 69 పరుగులు

స్ట్రాటజిక్ టైమ్‌అవుట్ సమయానికి గుజరాత్ టైటాన్స్ 6 ఓవర్లలో వికెట్ నష్టపోకుండా 69 పరుగులు చేసింది. శుభ్‌మన్ గిల్, సాయి సుదర్శన్ క్రీజులో నిలకడగా కొనసాగుతున్నారు. రాజస్థాన్ రాయల్స్ బౌలర్లు త్వరగా వికెట్లు తీయకపోతే మ్యాచ్ పూర్తిగా గుజరాత్ వైపు మళ్లే అవకాశాలు కనిపిస్తున్నాయి. మరోవైపు భారీ లక్ష్యాన్ని కాపాడుకోవాలంటే రాయల్స్ బౌలింగ్ విభాగం రెండో దశలో ప్రత్యేక ప్రణాళికతో ముందుకు రావాల్సిన పరిస్థితి ఏర్పడింది.