Adulterated Rasagulla: రక్షా బంధన్ పండుగ వేళ మిఠాయిలు, పాల ఉత్పత్తులకు డిమాండ్ పెరిగిన నేపథ్యంలో ఆహార భద్రతా శాఖ అధికారులు కల్తీ రాయుళ్లపై ఉక్కుపాదం మోపుతున్నారు.
ఉత్తరప్రదేశ్లోని ఘజియాబాద్లో ఏకంగా 10 క్వింటాళ్ల (1,000 కిలోలు) కల్తీ రసగుల్లాలను అధికారులు సీజ్ చేశారు.
Read Also :Hanamkonda Crime : హనుమకొండ మానస హత్య కేసు: తండ్రే సూత్రధారి
Adulterated Rasagulla: దాడుల ముఖ్యాంశాలు
- రసాయనాలతో రసగుల్లాలు: విజయ్ నగర్ పోలీస్ స్టేషన్ పరిధిలోని బిహారీపురా గిడ్డంగిపై నిర్వహించిన దాడుల్లో కల్తీ పనీర్, చక్కెరతో పాటు 'సెఫోలైట్' వంటి ప్రమాదకర రసాయనాలను ఉపయోగించి రసగుల్లాలు తయారుచేస్తున్నట్లు కనుగొన్నారు.
- కఠిన చర్యలు: ప్రాంగణం నుంచి 4 నమూనాలను సేకరించి ల్యాబ్కు పంపగా, స్వాధీనం చేసుకున్న 1,000 కిలోల మిఠాయిలను పారవేశారు. నిర్వాహకుడి లైసెన్స్ను రద్దు చేసి దర్యాప్తు కొనసాగిస్తున్నారు.
- డెయిరీ కేంద్రాలపై దాడులు: ఆగస్టు 14న ఘజియాబాద్లోని వివిధ డెయిరీలపై తనిఖీలు చేసి 868 కిలోల కల్తీ పనీర్, 170 కిలోల కోవాను అధికారులు ధ్వంసం చేశారు.
- ఉత్తరాఖండ్లో స్పెషల్ డ్రైవ్: సీఎం పుష్కర్ సింగ్ ధామి ఆదేశాలతో డెహ్రాడూన్, హరిద్వార్, నైనిటాల్ సహా 12 జిల్లాల్లో ఆహార సంస్థలను తనిఖీ చేసి, గడువు ముగిసిన పదార్థాలను ధ్వంసం చేయడంతో పాటు నిబంధనలు పాటించని వారికి నోటీసులు ఇచ్చారు.