Payyavula Keshav:ఆంధ్రప్రదేశ్ రాష్ట్ర ప్రజలకు, ముఖ్యంగా రాయలసీమ రైతులకు ఇది పెద్ద శుభవార్త. రాయలసీమ ఉద్యాన హబ్ ఏర్పాటులో రాష్ట్రం చెల్లించాల్సిన వాటా మొత్తాన్ని భరించేందుకు కేంద్ర ప్రభుత్వం అంగీకరించింది.
ఈ విషయాన్ని ఆర్థికశాఖ మంత్రి పయ్యావుల కేశవ్ అధికారికంగా వెల్లడించారు. దీనితో ఈ ప్రాజెక్టు పనులు వేగంగా ముందుకు సాగడానికి మార్గం సుగమం అయింది.
Read also: AP driving licence: ఏపీలో రూ.42కే డ్రైవింగ్ లైసెన్స్ కార్డులు
Rayalaseema horticulture hub project
కేంద్రం నుంచి భారీ ఆర్థిక సహకారం
ఈ భారీ ప్రాజెక్టు అంచనా వ్యయం సుమారు రూ.40 వేల కోట్లుగా నిర్ణయించారు. ఇందులో భాగంగా రాష్ట్ర ప్రభుత్వం భరించాల్సిన రూ.10 వేల కోట్ల నిధులను కేంద్రమే ఇచ్చేందుకు సూత్రప్రాయంగా ఒప్పుకుంది. కేంద్రం తీసుకున్న ఈ నిర్ణయం వల్ల రాష్ట్ర ఆర్థిక భారం తగ్గడమే కాకుండా, పనుల్లో జాప్యం ఉండదు. కేంద్ర సహకారంతో ప్రాజెక్టును త్వరగా పూర్తి చేయాలని ప్రభుత్వం లక్ష్యంగా పెట్టుకుంది.
Payyavula Keshav:వరల్డ్ బ్యాంక్ నుంచి రుణానికి క్లియరెన్స్
ప్రాజెక్టుకు అవసరమైన నిధుల సమీకరణలో మరో అడుగు ముందుకు పడింది. వరల్డ్ బ్యాంక్ నుంచి రుణం పొందేందుకు ఉన్న అడ్డంకులు తొలగిపోయాయి. కేంద్రం గ్రీన్ సిగ్నల్ ఇవ్వడంతో, త్వరలోనే రుణ ప్రక్రియ పూర్తి కానుంది. ఈ హబ్ అందుబాటులోకి వస్తే, ఉద్యాన పంటల సాగుకు, ఎగుమతులకు రాయలసీమ కేంద్ర బిందువుగా మారుతుంది.
Epaper: epaper.vaartha.com