Vande Bharat Express: తెలంగాణ నుంచి ఏపీ, కర్ణాటక రాష్ట్రాలకు రైళ్లలో ప్రయాణించే వారికి దక్షిణ మధ్య రైల్వే కీలక సమాచారం అందించింది. సికింద్రాబాద్-విశాఖపట్నం వందే భారత్ ఎక్స్‌ప్రెస్‌తో పాటు సిర్పూర్ కాగజ్‌నగర్-బీదర్ ఎక్స్ప్రెస్ రైళ్ల రాకపోకల వేళల్లో తాత్కాలిక మార్పులు చేసినట్లు అధికారులు తెలిపారు.
జత రైళ్లు ఆలస్యంగా నడుస్తున్న కారణంగా ఈ రెండు రైళ్లను రీషెడ్యూల్ చేసినట్లు దక్షిణ మధ్య రైల్వే వెల్లడించింది. ప్రయాణికులు ఈ మార్పులను గమనించి తమ ప్రయాణాలను ప్లాన్ చేసుకోవాలని సూచించింది.
Read Also :Gold price today: స్థిరంగా కొనసాగుతున్న పసిడి రేట్లు
సికింద్రాబాద్-విశాఖపట్నం వందే భారత్ వేళ మార్పు
సికింద్రాబాద్ నుంచి విశాఖపట్నం వెళ్లే 20834 నంబర్ వందే భారత్ ఎక్స్ప్రెస్ సాధారణంగా మధ్యాహ్నం 3 గంటలకు సికింద్రాబాద్ నుంచి బయలుదేరాల్సి ఉంది. అయితే జతగా నడిచే రైలు ఆలస్యమైన కారణంగా ఈ రైలును అదే రోజు సాయంత్రం 4:35 గంటలకు రీషెడ్యూల్ చేశారు. దీంతో ప్రయాణికులు తమ రైల్వే ప్రయాణ సమయాన్ని ముందుగానే సరిచూసుకోవాలని అధికారులు సూచించారు.
సిర్పూర్ కాగజ్‌నగర్-బీదర్ ఎక్స్ప్రెస్ కూడా రీషెడ్యూల్
సిర్పూర్ కాగజ్‌నగర్ నుంచి బీదర్ వెళ్లే 17012 నంబర్ ఎక్స్ప్రెస్ రైలు కూడా ఆలస్యంగా బయలుదేరనుంది. ఈ రైలు సాధారణంగా మధ్యాహ్నం 12:20 గంటలకు సిర్పూర్ కాగజ్‌నగర్ నుంచి బయలుదేరాల్సి ఉంది. అయితే జత రైలు ఆలస్యంగా నడుస్తున్న నేపథ్యంలో ఈ రైలును సాయంత్రం 5:20 గంటలకు రీషెడ్యూల్ చేసినట్లు దక్షిణ మధ్య రైల్వే తెలిపింది.
Vande Bharat Express: ప్రయాణికులకు దక్షిణ మధ్య రైల్వే సూచనలు
ఈ రెండు రైళ్లలో ప్రయాణించేవారు రీషెడ్యూల్ చేసిన సమయాలను తప్పనిసరిగా గమనించాలని అధికారులు కోరారు. రైళ్ల బయలుదేరే సమయాల్లో మార్పు కారణంగా ప్రయాణ ప్రణాళికలో ఇబ్బందులు తలెత్తకుండా ముందుగానే స్టేషన్‌కు చేరుకోవాలని సూచించారు. జత రైళ్ల ఆలస్యాన్ని బట్టి ఈ మార్పులు చేసినట్లు పేర్కొన్న రైల్వే శాఖ.. ప్రయాణికులు సహకరించాలని కోరింది.