RRB Jobs 2026: రైల్వే ఉద్యోగాల కోసం ఎదురుచూస్తున్న నిరుద్యోగులకు రైల్వే రిక్రూట్మెంట్ బోర్డులు (RRBs) తీపి కబురు అందించాయి. దేశవ్యాప్తంగా వివిధ రైల్వే జోన్లలో ఖాళీగా ఉన్న 'సెక్షన్ కంట్రోలర్' (Section Controller) పోస్టుల భర్తీకి అధికారికంగా నోటిఫికేషన్ విడుదల చేశాయి.
మొత్తం 119 పోస్టులకు గాను.. మన తెలుగు రాష్ట్రాల పరిధిలోని సికింద్రాబాద్ (Secunderabad) దక్షిణ మధ్య రైల్వే (SCR) లో 5 ఖాళీలు ఉన్నాయి. అర్హులైన అభ్యర్థులు ఆన్లైన్ విధానంలో దరఖాస్తు చేసుకోవాలని బోర్డు కోరింది.
Read also:NEET 2026 Result Date: NEET UG 2026 రిజల్ట్స్ & స్కోర్కార్డ్ విడుదల తేదీపై క్లారిటీ!
విద్యా అర్హతలు మరియు వయోపరిమితి
- విద్యార్హత: గుర్తింపు పొందిన యూనివర్సిటీ లేదా బోర్డు నుండి ఏదేని ఒక విభాగంలో బ్యాచిలర్స్ డిగ్రీ (Any Degree) పూర్తి చేసిన అభ్యర్థులు ఈ పోస్టులకు దరఖాస్తు చేసుకోవడానికి అర్హులు.
- వయోపరిమితి: అభ్యర్థుల వయస్సు 20 ఏళ్ల నుండి 33 ఏళ్ల మధ్య ఉండాలి. (ప్రభుత్వ నిబంధనల ప్రకారం ఎస్సీ, ఎస్టీ, ఓబీసీ అభ్యర్థులకు వయోపరిమితిలో సడలింపులు ఉంటాయి).
ముఖ్యమైన తేదీలు (Important Dates)
ఈ పోస్టులకు సంబంధించిన ఆన్లైన్ దరఖాస్తు ప్రక్రియ వచ్చే నెల నుండి ప్రారంభం కానుంది.
షెడ్యూల్ నోట్ చేసుకోండి
- ఆన్లైన్ దరఖాస్తుల ప్రారంభ తేదీ: జూలై 15, 2026
- దరఖాస్తు చేయడానికి ఆఖరి తేదీ: ఆగస్టు 14, 2026
RRB Jobs 2026: ఎంపిక విధానం (Selection Process)
అభ్యర్థులను మొత్తం నాలుగు దశల్లో వడపోసి అత్యంత పారదర్శకంగా ఎంపిక ప్రక్రియ నిర్వహిస్తారు.
- కంప్యూటర్ బేస్డ్ టెస్ట్ (CBT): మొదటి దశలో అభ్యర్థులకు ఆన్లైన్ రాతపరీక్ష నిర్వహిస్తారు.
- ఆప్టిట్యూడ్ టెస్ట్ (Aptitude Test): రాతపరీక్షలో అర్హత సాధించిన వారికి సైకో/ఆప్టిట్యూడ్ టెస్ట్ ఉంటుంది.
- డాక్యుమెంట్ వెరిఫికేషన్ (DV): మెరిట్ ఆధారంగా సర్టిఫికేట్ల పరిశీలన చేస్తారు.
- మెడికల్ ఎగ్జామినేషన్: రైల్వే ప్రమాణాల ప్రకారం తుది వైద్య పరీక్షల అనంతరం నియామక పత్రాలు అందజేస్తారు.
Read hindi news : hindi.vaartha.com
గుడ్ న్యూస్! తెలంగాణలో 24 డీఈవో ఉద్యోగాలకు నోటిఫికేషన్ విడుదల