తమిళ సినీ ఇండస్ట్రీలో కలకలం
Rajinikanth bomb threat : తమిళ సినీ ఇండస్ట్రీలో ఒక ఆసక్తికర ఘటన చోటుచేసుకుంది. ప్రముఖ నటులు రజినీకాంత్ మరియు ధనుష్ ఇళ్లలో బాంబులు పెట్టినట్లు బెదిరింపులు రావడంతో కలకలం రేగింది.
డీజీపీ కార్యాలయానికి బెదిరింపు మెయిల్
తమిళనాడు డీజీపీ కార్యాలయానికి శనివారం ఒక బెదిరింపు ఈమెయిల్ వచ్చింది. అందులో చెన్నైలోని పోయెస్ గార్డెన్లో ఉన్న రజినీకాంత్ ఇంట్లో, అల్వార్పేటలో ఉన్న హీరో ధనుష్ నివాసంలో బాంబులు పెట్టినట్లు పేర్కొన్నారు. అవి ఏ క్షణమైనా పేలిపోవచ్చని మెయిల్లో హెచ్చరించారు.
పోలీసుల సోదాలు
ఈ సమాచారం అందుకున్న వెంటనే పోలీసులు అప్రమత్తమయ్యారు. బాంబ్ స్క్వాడ్, డాగ్ స్క్వాడ్లతో కలిసి ఇద్దరు నటుల ఇళ్లకు చేరుకుని సుమారు గంటన్నర పాటు క్షుణ్ణంగా తనిఖీలు నిర్వహించారు. ఇంటి లోపల, గార్డెన్ ప్రాంతం, పరిసర ప్రాంతాల్లో సోదాలు జరిపారు.
ఫేక్ మెయిల్గా నిర్ధారణ
అయితే ఈ తనిఖీల్లో ఎలాంటి పేలుడు పదార్థాలు లేదా అనుమానాస్పద వస్తువులు కనిపించలేదు. దీంతో ఇది ఫేక్ మెయిల్ అని పోలీసులు నిర్ధారించారు. భయాందోళనలు సృష్టించడానికి కొందరు ఆకతాయిలు కావాలనే ఈ బెదిరింపులు పంపినట్లు పోలీసులు భావిస్తున్నారు.
Read Also: HDFC Banking Services Down: రేపు తెల్లవారుజామున బ్యాంకింగ్ సేవలు బంద్!
Rajinikanth bomb threat సైబర్ క్రైమ్ దర్యాప్తు
ఈమెయిల్ పంపిన వ్యక్తిని గుర్తించేందుకు సైబర్ క్రైమ్ పోలీసులు దర్యాప్తు ప్రారంభించారు. ఏ ఐపీ అడ్రస్ నుంచి మెయిల్ పంపించారో అన్వేషిస్తున్నారు.
అదనపు భద్రత
ముందుజాగ్రత్త చర్యగా రజినీకాంత్ మరియు ధనుష్ ఇళ్ల వద్ద అదనపు భద్రతను ఏర్పాటు చేశారు. తప్పుడు సమాచారంతో ప్రజలను, పోలీసులను ఇబ్బంది పెట్టే వారిపై కఠిన చర్యలు తీసుకుంటామని పోలీసులు హెచ్చరించారు.
Read hindi news : hindi.vaartha.com
Epaper : epaper.vaartha.com
Read Also: