Silbings Passed Away : నిద్రలోనే కబళించిన మృత్యువు రక్షాబంధన్ పండుగకు కొన్ని రోజుల ముందు పంజాబ్లోని లుథియానా జిల్లా బస్సియన్ గ్రామంలో తీవ్ర శోకసంద్రం అలుముకుంది.
కూలీ పనులు చేసుకునే కుటుంబానికి చెందిన జోబన్ప్రీత్ (8), జస్ప్రీత్ కౌర్ (6) అనే ఇద్దరు చిన్నారులు తమ అమ్మమ్మతో కలిసి ఇంటి ఆవరణలో నిద్రించారు. ఆ సమయంలో వారిద్దరినీ పాము కాటువేసింది. తెల్లవారుజామున బాలుడు శ్వాస తీసుకోవడంలో ఇబ్బంది పడుతుండటంతో కుటుంబసభ్యులు పరిశీలించగా, మంచం కింద పాము కనిపించింది. సమాచారం తెలిసిన వెంటనే చిన్నారులిద్దరినీ లుథియానాలోని సీఎమ్సీ ఆసుపత్రికి తరలించారు. అయితే, విషం శరీరం అంతటా వేగంగా వ్యాపించడంతో చికిత్స పొందుతూ ఇద్దరు చిన్నారులు మృతి చెందారని వైద్యులు ధృవీకరించారు. మూడో తరగతి చదువుతున్న జోబన్ప్రీత్, ఒకటో తరగతి చదువుతున్న జస్ప్రీత్ ఒకేసారి ప్రాణాలు కోల్పోవడంతో ఆ కుటుంబంలో తీవ్ర విషాదం నిండింది.
Silbings Passed Away
Silbings Passed Away : కడసారి చూపునకు నోచుకోని తల్లి
ఈ ఘటనలో మరింత హృదయవిదారకమైన విషయం ఏమిటంటే, చిన్నారుల తల్లి సరబ్జిత్ కౌర్ ఉపాధి నిమిత్తం ఒమన్లో పనిచేస్తున్నారు. పిల్లల మరణవార్త తెలిసినప్పటికీ, పాస్పోర్ట్ సమస్యలు మరియు సకాలంలో సెలవు లభించకపోవడంతో ఆమె స్వదేశానికి రాలేకపోయారు. కనీసం పిల్లల కడసారి చూపునకు కూడా ఆమె నోచుకోలేకపోయారు. అన్నాచెల్లెలిద్దరి అంత్యక్రియలను ఒకే వేదికపై నిర్వహించడంతో గ్రామం మొత్తం శోకసంద్రంలో మునిగిపోయింది. గ్రామ ఆరోగ్య కేంద్రాల్లో విష నిరోధక మందులు (ఆంటీ వెనమ్) అందుబాటులో లేకపోవడం వల్లే వైద్యం ఆలస్యమైందని గ్రామస్థులు ఆగ్రహం వ్యక్తం చేశారు. బాధితుల కుటుంబానికి ఆర్థిక సహాయం అందించాలని మరియు ఆరోగ్య కేంద్రాల్లో తగిన సదుపాయాలు కల్పించాలని సర్పంచ్ సురీందర్ సింగ్ ప్రభుత్వాన్ని కోరారు.