Mahabubabad news: 'నన్ను పెళ్లి చేసుకుని నీతో కలిసి జీవించనివ్వు.. లేదా ఇద్దరం కలిసి పురుగుల మందు తాగి చనిపోదాం' అంటూ ఓ ప్రియురాలు తనను మోసం చేసిన ప్రియుడి ఇంటి ముందు బైఠాయించి, మౌన పోరాటానికి దిగింది.

మహబూబాబాద్ జిల్లా కొత్తగూడ మండలంలో శనివారం జరిగిన ఈ హృదయవిదారక ఘటన స్థానికంగా తీవ్ర కలకలం రేపింది. బాధితురాలు, స్థానికులు తెలిపిన వివరాల ప్రకారం ఈ ఘటనకు సంబంధించిన పూర్తి వివరాలు ఇలా ఉన్నాయి.

కొత్తగూడ మండలం పొగళ్లపల్లి గ్రామానికి చెందిన జూల రాజు, స్రవంతి దంపతుల కుమారుడు వంశీకి.. అదే గ్రామానికి చెందిన భైరబోయిన సుభాష్, శిరీష దంపతుల రెండవ కుమార్తె మనీషాతో రెండేళ్ల క్రితం పరిచయం ఏర్పడింది. ఆ పరిచయం కాస్తా క్రమంగా గాఢమైన ప్రేమగా మారింది. “నేను ఎక్కడుంటే నువ్వు అక్కడే ఉండాలి” అంటూ వంశీ ఒత్తిడి చేయడంతో.. అతడు ఉద్యోగం చేస్తున్న ఇనుగూర్తి గ్రామంలో ఓ గదిని అద్దెకు తీసుకుని ఇద్దరూ సహజీవనం సాగించారు. పెళ్లి చేసుకుంటానని గట్టిగా నమ్మబలికి వంశీ ఆమెతో శారీరక సంబంధం పెట్టుకున్నాడు.

Read Also : Rayilapur Fire Accident: రాయిలాపూర్‌లో భారీ అగ్నిప్రమాదం!

A girlfriend’s silent struggle in front of her cheating boyfriend’s house!

Mahabubabad news: రెండుసార్లు అబార్షన్.. చివరకు నమ్మకద్రోహం!

సహజీవనం సాగిస్తున్న క్రమంలో మనీషా గర్భవతి కాగా.. వంశీ అసలు రంగు బయటపడింది. “నువ్వు ఇప్పుడు అబార్షన్ చేయించుకుంటేనే తర్వాత మన పెళ్లికి మా ఇంట్లో ఒప్పుకుంటారు” అని నమ్మించి, ఆమెకు బలవంతంగా రెండుసార్లు అబార్షన్ చేయించినట్లు బాధితురాలు కన్నీటితో తన ఆవేదనను వ్యక్తం చేసింది. తీరా ఇప్పుడు పెళ్లి చేసుకోమని నిలదీస్తే.. “మా ఇంట్లో అస్సలు ఒప్పుకోవట్లేదు, నేను నిన్ను పెళ్లి చేసుకోలేను” అంటూ మాయమాటలతో ముఖం చాటేశాడు. అన్ని రకాలుగా వాడుకుని, తన జీవితాన్ని నాశనం చేసిన ప్రియుడి నమ్మకద్రోహాన్ని తట్టుకోలేకపోయిన మనీషా.. చివరకు న్యాయం కోసం పొగళ్లపల్లిలోని వంశీ ఇంటి ముందు మౌన పోరాటానికి దిగింది.