ముఖ్యమంత్రి రేవంత్ రెడ్డి చేతుల మీదుగా ప్రారంభమైన ఈ ఆసుపత్రిలో, ఆగస్టు 21, శుక్రవారం నుండి ఇన్‌పేషెంట్ (IP) విభాగం సేవలు అధికారికంగా మొదలుకానున్నాయి.

ఫ్యూమిగేషన్ ప్రక్రియ మరియు భద్రతా చర్యలు

ఆసుపత్రి ప్రారంభోత్సవ సమయంలో సందర్శకుల రద్దీ ఎక్కువగా ఉండటంతో, ఆపరేషన్ థియేటర్లు మరియు వార్డుల్లో బ్యాక్టీరియా ఇన్ఫెక్షన్ సోకే అవకాశం ఉందని యాజమాన్యం గుర్తించింది. రోగుల ఆరోగ్య భద్రతను దృష్టిలో ఉంచుకుని, ముందుజాగ్రత్తగా ఆసుపత్రిలో ఫ్యూమిగేషన్ ప్రక్రియను చేపట్టారు. గురువారంతో దీని మొదటి దశ పూర్తికానుంది. ఆసుపత్రిలో బ్యాక్టీరియా పూర్తిగా తొలగిపోయిందని నిర్ధారించుకున్న తర్వాత, రాబోయే రెండు మూడు వారాల్లో పూర్తిస్థాయిలో శస్త్రచికిత్సలను కూడా ప్రారంభించనున్నారు.

Sanathnagar TIMS: ఓపీ సేవలకు పెరుగుతున్న ప్రజాదరణ

టిమ్స్ ఆసుపత్రిలో ఔట్ పేషెంట్ (OP) విభాగం సేవలకు ప్రజల నుంచి భారీ స్థాయిలో స్పందన లభిస్తోంది. ట్రయల్ రన్ సమయంలో రోజుకు సుమారు 200 మంది రోగులు రాగా, బుధవారం నాటికి ఆ సంఖ్య 700 దాటడం గమనార్హం. ప్రస్తుతం వైద్యులు ప్రతిరోజూ ఉదయం 8 గంటల నుండి మధ్యాహ్నం 2 గంటల వరకు రోగులకు అందుబాటులో ఉంటున్నారు. ఓపీ రిజిస్ట్రేషన్లను మాత్రం ఉదయం 8 నుండి 12 గంటల వరకు మాత్రమే స్వీకరిస్తున్నారు.

Epaper: epaper.vaartha.com

భారీ బడ్జెట్ సినిమాలకు తెలంగాణ సర్కార్ ఊరట..టికెట్ ధరల పెంపునకు అనుమతి