రాష్ట్ర రాజధాని ప్రాంతంలో మౌలిక సదుపాయాల కల్పనను వేగవంతం చేయడమే లక్ష్యంగా ఈ కేబినెట్ సమావేశం ప్రాధాన్యత సంతరించుకుంది.

సెంట్రల్ లైబ్రరీ మరియు కన్వెన్షన్ సెంటర్‌కు మోక్షం

అమరావతిలో అత్యాధునిక హంగులతో సెంట్రల్ లైబ్రరీ అలాగే ప్రతిష్టాత్మక కన్వెన్షన్ సెంటర్‌ను ఏర్పాటు చేయాలని ప్రభుత్వం భావిస్తోంది. ఇందుకు సంబంధించి సుమారు రూ.596 కోట్ల అంచనా వ్యయంతో రూపొందించిన సమగ్ర ప్రతిపాదనలకు నేటి మంత్రివర్గ సమావేశంలో అధికారిక ఆమోదం లభించే ఛాన్స్ ఉంది. ఈ కేంద్రాలు అందుబాటులోకి వస్తే రాజధాని ప్రాంతం సాంస్కృతిక మరియు విద్యా కేంద్రంగా రూపాంతరం చెందుతుంది.

AP Cabinet Meeting: మౌలిక వసతులు మరియు గ్రామాల అభివృద్ధికి కేటాయింపులు

కేవలం రాజధాని కేంద్రమే కాకుండా, రాజధాని పరిధిలోని గ్రామాలో అభివృద్ధి పనులకు కూడా ప్రభుత్వం పెద్దపీట వేస్తోంది. ఇందులో భాగంగా గ్రామీణ ప్రాంతాల్లో మౌలిక వసతుల కల్పన నిమిత్తం మరో రూ.533 కోట్లు కేటాయించాలనే ప్రతిపాదనపై కేబినెట్ సుదీర్ఘంగా చర్చించనుంది. ఈ నిధులతో తాగునీరు, డ్రైనేజీ, విద్యుత్ వంటి కనీస సౌకర్యాలు మరింత మెరుగవుతాయని అంచనా.

రైతుల ప్లాట్లలో రోడ్ల నిర్మాణంపై నిర్ణయం

రాజధాని నిర్మాణంలో భూములు ఇచ్చిన రైతుల సంక్షేమానికి ప్రభుత్వం ప్రాధాన్యత ఇస్తోంది. రైతుల కేటాయించిన ప్లాట్లలో అంతర్గతంగా ఉండే చిన్న రహదారులను మరింత మెరుగుపరచాలని నిర్ణయించారు. ఇందులో భాగంగా ఆ దారుల్లో బీటీ (Black Topping – BT) రోడ్లు నిర్మించేందుకు సీఆర్డీఏ తీసుకున్న నిర్ణయానికి ఈ మంత్రివర్గ భేటీలో ఆమోదముద్ర పడే అవకాశం ఉంది.

Epaper: epaper.vaartha.com

విశ్రాంత ఉద్యోగ నిధులపై సైబర్ నేరగాళ్ల కన్ను