JP Nadda Telangana Tour: తెలంగాణలో కేంద్ర ప్రభుత్వ ప్రాజెక్టుల పురోగతి మరియు పార్టీ బలోపేతంపై ఢిల్లీ పెద్దలు ప్రత్యేక దృష్టి సారించారు. ఇందులో భాగంగానే కేంద్ర ఆరోగ్య, కుటుంబ సంక్షేమ శాఖ మంత్రి జేపీ నడ్డా (JP Nadda) జులై 09వ తేదీన (గురువారం) రాష్ట్రంలో పర్యటించనున్నారు.
కేంద్ర మంత్రిగా బాధ్యతలు చేపట్టిన తర్వాత తెలంగాణకు వస్తున్న ఆయన పర్యటన.. ఇటు అధికారికంగా, అటు రాజకీయంగా తీవ్ర ప్రాధాన్యత సంతరించుకుంది.
Read Also:Harish Rao Challenge To Revanth Reddy : రేవంత్ రెడ్డికి హరీశ్ రావు ఓపెన్ ఛాలెంజ్
బీబీనగర్ ఎయిమ్స్ పనులపై స్పెషల్ ఫోకస్:
కేంద్ర మంత్రి జేపీ నడ్డా పర్యటనలో ప్రధానంగా వైద్యారోగ్య రంగానికి సంబంధించిన సమీక్షలు ఉండనున్నాయి. యాదాద్రి భువనగిరి జిల్లా బీబీనగర్లోని అఖిల భారత వైద్య విజ్ఞాన సంస్థ (AIIMS) ఆసుపత్రిని ఆయన సందర్శించనున్నారు. ఎయిమ్స్ మౌలిక వసతులు, నూతన నిర్మాణ పనుల పురోగతిని క్షేత్రస్థాయిలో పరిశీలిస్తారు.ఆసుపత్రి ఉన్నతాధికారులు, వైద్యులతో భేటీ అయి ఎయిమ్స్లో రోగులకు అందుతున్న సేవలు, వైద్య విద్య (MBBS/BSc Nursing) సౌకర్యాలపై సమీక్ష జరపనున్నారు. పనులను వేగవంతం చేసేలా అధికారులకు దిశానిర్దేశం చేయనున్నారు.
JP Nadda Telangana Tour: బీజేపీ రాష్ట్ర కార్యాలయానికి జేపీ నడ్డా
బీబీనగర్ పర్యటన ముగించుకున్న అనంతరం కేంద్ర మంత్రి జేపీ నడ్డా హైదరాబాద్ నాంపల్లిలోని తెలంగాణ బీజేపీ (BJP) రాష్ట్ర కార్యాలయాన్ని సందర్శించనున్నట్లు సమాచారం. రాష్ట్రంలో పార్టీ ప్రస్తుత పరిస్థితి, భవిష్యత్ కార్యాచరణపై పార్టీ కీలక నేతలు, కోర్ కమిటీ సభ్యులతో ఆయన ప్రత్యేకంగా సమావేశం కానున్నారు.తెలంగాణలో మారుతున్న రాజకీయ సమీకరణాల నేపథ్యంలో, కేడర్లో ఉత్సాహం నింపేలా జేపీ నడ్డా దిశానిర్దేశం చేయనున్నట్లు పార్టీ వర్గాలు వెల్లడించాయి.
Epaper: epaper.vaartha.com