ఆదివారం భద్రాద్రి కొత్తగూడెం జిల్లా అశ్వాపురం మండలంలో పర్యటించిన ఆయన.. పార్టీ స్థానిక కార్యాలయంలో బీఆర్ఎస్ జిల్లా అధ్యక్షుడు రేగా కాంతారావుతో కలిసి ఉమ్మడిగా మీడియా సమావేశంలో మాట్లాడారు. ఈ సందర్భంగా కాంగ్రెస్ ప్రభుత్వం, సీఎం రేవంత్ రెడ్డి అనుసరిస్తున్న తీరుపై ఆయన పదునైన విమర్శలు గుప్పించారు.

ప్రజలు అన్నీ గమనిస్తున్నారు.. తగిన సమయంలో బుద్ధి చెబుతారు!

రాష్ట్రంలో ప్రస్తుత పాలన సాగుతున్న తీరును, ముఖ్యమంత్రి మాట్లాడుతున్న భాషను తెలంగాణ ప్రజలు నిశితంగా గమనిస్తున్నారని పువ్వాడ అజయ్ కుమార్ హెచ్చరించారు. ప్రభుత్వ వైఫల్యాలను కప్పిపుచ్చుకోవడానికే ఇలాంటి వ్యాఖ్యలు చేస్తున్నారని, ప్రజలు అమాయకులు కారని, సరైన సమయం వచ్చినప్పుడు కాంగ్రెస్ ప్రభుత్వానికి ఖచ్చితంగా బుద్ధి చెబుతారని ఆయన వ్యాఖ్యానించారు. ఈ సమావేశంలో రేగా కాంతారావుతో పాటు పలువురు స్థానిక బీఆర్ఎస్ నాయకులు, కార్యకర్తలు పాల్గొన్నారు. సీఎం రేవంత్ రెడ్డి శైలిపై మాజీ మంత్రి చేసిన ఈ ఘాటు వ్యాఖ్యలు ప్రస్తుతం రాజకీయ వర్గాల్లో హాట్ టాపిక్‌గా మారాయి.

ఈసీకి కల్వకుంట్ల కవిత సుదీర్ఘ లేఖ