Sadhguru Jaggi Vasudev: ప్రముఖ ఆధ్యాత్మిక గురువు, ఈషా ఫౌండేషన్ వ్యవస్థాపకుడు సద్గురు జగ్గీ వాసుదేవ్ ఆహారం, ఆరోగ్యంపై తరచూ ఆసక్తికర విశ్లేషణలు చేస్తుంటారు.

తాజాగా ఆయన గుడ్ల (Eggs) వినియోగంపై చేసిన వ్యాఖ్యలు సామాజిక మాధ్యమాల్లో పెద్ద చర్చకు దారితీశాయి. సాధారణంగా జిమ్ ట్రైనర్లు, డయాటీషియన్లు, ప్రపంచ ఆరోగ్య సంస్థ (WHO) సైతం గుడ్డును ఒక సంపూర్ణ పోషకాహారంగా అభివర్ణిస్తుంటాయి. అయితే, సద్గురు మాత్రం దీనికి భిన్నమైన అభిప్రాయాన్ని వ్యక్తం చేశారు. తన ఇన్‌స్టాగ్రామ్ రీల్‌లో ఆయన మాట్లాడుతూ ప్రతిరోజూ గుడ్లు తినడం అనేది “అత్యంత ఘోరమైన విషయం” అని పేర్కొన్నారు.

Protein Rich Food

విషువత్తు (ఈక్వినాక్స్ – పగలు, రాత్రులు సమానంగా ఉండే రోజు) దాటిన తర్వాత చాలామందిలో, ముఖ్యంగా మహిళల్లో శక్తి క్షీణించడం, తీవ్రమైన అలసట వంటి లక్షణాలు కనిపిస్తాయని సద్గురు వివరించారు. ఇలాంటి సమయంలో సరైన ఆహార నియమాలు పాటించకపోతే ఆరోగ్య సమస్యలు వస్తాయన్నారు. పూర్వకాలంలో మన ఇళ్లలోనే విటమిన్ బీ12 సమృద్ధిగా ఉండే ఎన్నో రకాల పదార్థాలను సహజ సిద్ధంగా తయారు చేసుకునేవాళ్లమని, కానీ నేటి తరం బ్రెడ్, గుడ్లు వంటి ప్రాసెస్డ్, ఫాస్ట్ ఫుడ్ సంస్కృతికి అలవాటు పడిందని ఆయన ఆవేదన వ్యక్తం చేశారు.

Read also: Headache : తలనొప్పి సమస్య రోజు రోజుకీ ఎక్కువవుతుందా?

ప్రొటీన్ కోసం గుడ్లే తినాలా?

“ప్రొటీన్ కేవలం గుడ్లు, నాన్‌వెజ్ ద్వారానే వస్తుందా?” అనే ప్రశ్నకు సద్గురు తనదైన శైలిలో సమాధానమిచ్చారు. “ప్రపంచంలోనే అత్యంత బలమైన కండరాలు, శక్తి కలిగిన జంతువులన్నీ దాదాపు శాకాహారులే (Herbivores) కదా! అలాగే, ప్రపంచవ్యాప్తంగా గుర్తింపు పొందిన ఎంతోమంది అగ్రశ్రేణి క్రీడాకారులు కూడా శాకాహారాన్నే నమ్ముకున్నారు” అని ఆయన గుర్తుచేశారు. ఈ సందర్భంగా టెన్నిస్ దిగ్గజం నొవాక్ జొకోవిచ్, క్రికెట్ స్టార్ విరాట్ కోహ్లీ, ఫుట్‌బాల్ లెజెండ్ లియోనెల్ మెస్సీ, అమెరికన్ ఫుట్‌బాల్ స్టార్ టామ్ బ్రాడీ వంటి క్రీడా ప్రముఖులను ఆయన ఉదాహరణగా ప్రస్తావించారు.

Sadhguru Jaggi Vasudev: గుడ్లకు ప్రత్యామ్నాయంగా సద్గురు సూచించిన 3 సౌత్ ఇండియన్ వంటకాలు

శరీరానికి అవసరమైన ప్రొటీన్, విటమిన్ బీ12 సహజసిద్ధంగా లభించేలా మన దక్షిణ భారతదేశానికి చెందిన మూడు సాంప్రదాయ వంటకాలను సద్గురు ఈ సందర్భంగా సిఫార్సు చేశారు.

లక్ష్మీ చారు (ఆంధ్రప్రదేశ్)

ఇది తెలుగు రాష్ట్రాల్లోని ఒక అద్భుతమైన సాంప్రదాయ వంటకం. చింతపండు పులుసు, వివిధ రకాల మసాలాలు, కరివేపాకు, పప్పుల మిశ్రమంతో దీనిని తయారు చేస్తారు. కొన్ని ప్రాంతాలలో అన్నం కడిగిన గంజి నీటిని కూడా దీని తయారీలో వాడతారు. ఇది శరీరానికి అవసరమైన పోషకాలను అందించడమే కాకుండా, వేడి వేడి అన్నంలో తింటే ఎంతో రుచికరంగా ఉంటుంది.

పళయ సదం (తమిళనాడు)

రాత్రి మిగిలిపోయిన అన్నంలో నీళ్లు పోసి, రాత్రంతా అలాగే ఉంచి పులియబెట్టడం (Fermentation) ద్వారా దీనిని తయారు చేస్తారు. మనదగ్గర దీనిని 'చద్ది అన్నం' అని కూడా పిలుస్తారు. ఈ సహజసిద్ధమైన పులియబెట్టే ప్రక్రియ వల్ల ఇందులో విపరీతంగా ప్రోబయోటిక్స్ (మంచి బ్యాక్టీరియా) పెరిగి జీర్ణవ్యవస్థను మెరుగుపరుస్తాయి. వేసవి కాలంలో శరీరాన్ని చల్లబరిచేందుకు దీనిని పెరుగు, ఉల్లిపాయలు, పచ్చిమిర్చితో కలిపి అల్పాహారంగా తీసుకుంటారు.

కూళ్ (తమిళనాడు/కర్ణాటక)