నెల్లూరు మినహా రాష్ట్రంలోని మిగిలిన అన్ని జిల్లాలలోనూ వర్షపాతం లోటు కనిపిస్తోంది. ముఖ్యంగా విశాఖ తూర్పు గోదావరి పశ్చిమ గోదావరి ప్రకాశం చిత్తూరు అన్నమయ్య జిల్లాలలో తీవ్ర వర్షపావం నమోదైంది. రాష్ట్రవ్యాప్తంగా సాగునీటి ప్రాజెక్టులలో నీటి మట్టాలు భారీగా పడిపోయాయి. శ్రీశైలం అలాగే నాగార్జునసాగర్ ప్రాజెక్టులలో తగినంత నీరు లేకపోవడం వల్ల ఈ ఏడాది ఖరీఫ్‌లో సాగునీరు అందించడం సాధ్యం కాదని నీటిపారుదల శాఖ తేల్చిచెప్పింది. కేవలం తాగునీటి అవసరాలకోసం మాత్రమే నీటిని నిల్వ చేయాల్సి వస్తోందని అధికారులు తెలిపారు. దీనివల్ల కృష్ణా డెల్టా పరిధిలో వరిసాగుకు నీటిని విడుదల చేసే పరిస్థితి లేదని స్పష్టమైంది. ముందస్తు ప్రణాళికలు లేకపోవడం వల్ల రైతులు ఇప్పటికే నారుమడులు వేసి తీవ్రంగా నష్టపోతున్నారు.

Read also: AP Universities: ఏపీలో 18 విశ్వవిద్యాలయాల పాలకమండళ్ల రద్దు

Rain-deficit conditions in AP

సీఎం చంద్రబాబు కీలక నిర్ణయం

రాష్ట్రంలో నెలకొన్న దారుణమైన పరిస్థితుల దృష్ట్యా ముఖ్యమంత్రి చంద్రబాబు నాయుడు రైతులను అప్రమత్తం చేశారు. ఈ ఏడాది ఎల్ నినో ప్రభావం చాలా ఎక్కువగా ఉండే అవకాశం ఉన్నందున రైతులెవరూ వరి పంట వేయవద్దని విజ్ఞప్తి చేశారు. ఉన్న కొద్దిపాటి నీటిని చాలా జాగ్రత్తగా వాడుకోవాలని ఆరుతడి పంటల వైపు రైతులు మొగ్గు చూపాలని సూచించారు. వ్యవసాయ శాఖ అధికారులు కూడా క్షేత్రస్థాయిలో పర్యటించి రైతులకు అవగాహన కల్పిస్తున్నారు. వరి పంట స్థానంలో కంది ఆముదం మినుము వంటి ప్రత్యామ్నాయ పంటలు వేసుకోవాలని ప్రభుత్వం కోరుతోంది. అయితే చాలా మంది రైతులు ఇప్పటికే భారీ ఖర్చు పెట్టి నారుమడులు వేసినందున ఇప్పుడు పంట మార్చడం కష్టమని ఆవేదన వ్యక్తం చేస్తున్నారు. అధికారుల నుంచి సరైన ముందస్తు సమాచారం అందకపోవడం వల్లనే ఈ పరిస్థితి తలెత్తిందని రైతు సంఘాలు తీవ్ర ఆగ్రహం వ్యక్తం చేస్తున్నారు. ప్రభుత్వం ఇప్పటికైనా కరవు మండలాలను ప్రకటించి నష్టపోయిన రైతాంగాన్ని ఆదుకోవాలని డిమాండ్ చేస్తున్నారు.

AP agriculture:ఎల్ నినో ప్రభావం అలాగే భవిష్యత్ అంచనాలు

పసిఫిక్ మహాసముద్రంలో ఉపరితల ఉష్ణోగ్రతలు అసాధారణంగా పెరగడాన్ని వాతావరణ నిపుణులు ఎల్ నినో అని పిలుస్తున్నారు. ఈ విపరీతమైన పరిణామం వల్ల ఆసియా ప్రాంతంలో రుతుపవనాలు బలహీనపడి తీవ్రమైన కరువు పరిస్థితులు ఏర్పడతాయి. రాబోయే మూడు నెలల్లో కూడా సాధారణం కంటే తక్కువ వర్షపాతం నమోదయ్యే అవకాశం ఉందని ఐఎండి అధికారులు హెచ్చరిస్తున్నారు. అయితే ఈ ప్రభావం కేవలం ఈ ఏడాది మాత్రమే ఉంటుందని వచ్చే ఏడాది లా నినా పరిస్థితులు ఏర్పడి అధిక వర్షాలు కురిసే అవకాశం ఉందని అంచనా వేస్తున్నారు. ప్రస్తుతానికి మాత్రం ఏపీ రైతాంగం తీవ్ర సంక్షోభాన్ని ఎదుర్కొంటోంది. ప్రభుత్వం ఏర్పాటు చేసిన ప్రత్యేక కంట్రోల్ రూమ్ ద్వారా ఎల్ నినో ప్రభావాన్ని ఎప్పటికప్పుడు పర్యవేక్షిస్తున్నారు. రైతులు ఈ విపత్కర పరిస్థితిని అర్థం చేసుకుని అధికారులకు సహకరించాలని ప్రభుత్వం కోరుతోంది. శాస్త్రవేత్తల సూచనల మేరకు రైతులు తక్కువ నీటితో పండే పంటలను సాగు చేసి నష్టాల నుంచి బయటపడాలని నిపుణులు సలహా ఇస్తున్నారు.

Epaper: epaper.vaartha.com

ఎరువుల కొరతకు చెక్ పెట్టిన మోదీ సర్కార్