ఈ మ్యాచ్‌లో కోహ్లీ కేవలం 88 బంతుల్లోనే 139 పరుగులు చేసి అజేయంగా నిలిచాడు.

Read Also : Asian Games: వర్షం వల్ల భారత్ vs అఫ్ఘనిస్థాన్ మ్యాచ్ రద్దు.. సెమీస్‌కు టీమిండియా

Kohli’s comments on Sachin… His place is truly special.

Virat Kohli: అతివేగంగా సాధించిన బ్యాటర్‌గా రికార్డు

ఈ ఇన్నింగ్స్ ద్వారా కోహ్లీ వన్డే క్రికెట్‌లో 15,000 పరుగుల మైలురాయిని అందుకున్న ప్రపంచంలోనే రెండో బ్యాటర్‌గా చరిత్ర సృష్టించాడు. ఇంతకుముందు సచిన్ టెండూల్కర్ మాత్రమే ఈ ఘనత సాధించాడు. అయితే కోహ్లీ కేవలం 303 ఇన్నింగ్స్‌లలోనే ఈ మార్కును చేరగా, సచిన్‌కు దీనికోసం 377 ఇన్నింగ్స్‌లు అవసరమయ్యాయి. అంటే సచిన్ కంటే 74 ఇన్నింగ్స్‌లు తక్కువగానే ఆడి ఈ ఘనమైన రికార్డును కోహ్లీ తన పేరిట లిఖించుకోవడం విశేషం.

స్వదేశంలో అత్యధిక పరుగులు..

ఇదే మ్యాచ్‌లో కోహ్లీ మరొక అరుదైన రికార్డును కూడా అధిగమించాడు. భారత గడ్డపై వన్డేల్లో అత్యధిక పరుగులు చేసిన బ్యాటర్‌గా సచిన్ (6,976 పరుగులు) పేరిట ఉన్న రికార్డును కోహ్లీ అధిగమించాడు. ఈ మ్యాచ్‌తో కోహ్లీ స్వదేశంలో 7,006 పరుగులు పూర్తి చేసుకుని అగ్రస్థానానికి చేరుకున్నాడు. ఇది కోహ్లీకి వన్డేల్లో 55వ సెంచరీ కాగా, లిస్ట్-ఏ క్రికెట్‌లో 60వ శతకం. ఈ క్రమంలో లిస్ట్-ఏ సెంచరీలలో సచిన్ రికార్డును సమం చేశాడు. మ్యాచ్ అనంతరం సచిన్‌తో పోలికలపై కోహ్లీ స్పందిస్తూ, “నాకు సచిన్ పాజీ ఎప్పటికీ సచిన్ పాజీనే. ఆయన తన కాలంలో ఆటలో విప్లవాత్మక మార్పులు తెచ్చారు. ప్రజలపై ఆయన చూపిన ప్రభావం ఎప్పటికీ నిలిచిపోతుంది” అని వినమ్రంగా వ్యాఖ్యానించాడు.

తొలి వన్డేలో వెస్టిండీస్‌పై భారత్ ఘన విజయం