సముద్రంలో కలిసిన చమురు..ప్రాణాలు కోల్పోతున్న జలచరాలు

ఐదు నెలల క్రితం భారీ వర్షాలు, వరదల కారణంగా మెక్సికో(Mexico)లోని తూర్పు రాష్ట్రమైన వెరాక్రూజ్‌లో ముడి చమురు సహజంగా ఊరే ఒక పైప్‌లైన్ పగిలిపోయింది.

ఆ పైప్‌లైన్‌ నుంచి లీకైన చమురు పాంటెపెక్ నది, టబాస్కో దక్షిణ రాష్ట్రాలలోని 200 కిలోమీటర్ల తీరప్రాంతంతో సహా 600 కిలోమీటర్ల మేర వ్యాపించింది. కాంపెచే బేలో ఉన్న మరో సహజ చమురు ఊట కూడా సముద్రతీరంలో వ్యాపించింది. ఇప్పటికీ అందులో నుంచి చమురు లీక్ అవుతున్నది.

Mexico

నెల రోజులుగా ఈ రెండు సహజ చమురు ఊటల నుంచి పెద్ద మొత్తంలో కలుషితాలు వెలువడుతున్నాయి. మరోవైపు మూడు నెలల క్రితం గల్ఫ్‌ ఆఫ్‌ మెక్సికోలో చమురు నౌక బోల్తా పడటంతో సముద్రంలో చమురు లీక్‌ అయ్యిందని అధికారులు తెలిపారు. దానివల్ల వందల సంఖ్యలో సముద్ర తాబేళ్లు, చేపలతో సహా వివిధ జలచరాలు ప్రాణాలు కోల్పోతున్నాయన్నారు. అధికారిక నివేదికల ప్రకారం, సముద్రంపై సుమారు 600 కిలోమీటర్ల మేర చమురు తెట్టు (Oil Slick) ఏర్పడింది. ఒక గుర్తుతెలియని చమురు నౌక నుండి లీకేజీ అవ్వడం మరియు సముద్ర గర్భంలోని సహజ చమురు ఊటల నుండి వెలువడిన కలుషితాల వల్ల ఈ ప్రమాదం సంభవించినట్లు మెక్సికన్ అధికారులు భావిస్తున్నారు. సుమారు 165 కిలోమీటర్ల తీర ప్రాంతం పూర్తిగా నల్లని చమురుతో నిండిపోయింది.