IPL 2026 News : కెప్టెన్ శుభ్‌మన్ గిల్ (104) అద్భుత సెంచరీతో కదం తొక్కడంతో ఐపీఎల్ 2026 ఫైనల్లోకి గుజరాత్ టైటాన్స్ ఘనంగా ప్రవేశించింది. ముల్లన్‌పూర్‌లో జరిగిన క్వాలిఫయర్-2 మ్యాచ్‌లో రాజస్థాన్ రాయల్స్‌ను 7 వికెట్ల తేడాతో ఓడించింది.

215 పరుగుల భారీ లక్ష్యాన్ని గుజరాత్ కేవలం 18.4 ఓవర్లలో 3 వికెట్లు కోల్పోయి 219 పరుగులు చేసి ఛేదించింది.

గిల్-సుదర్శన్ రికార్డు భాగస్వామ్యం

ఈ విజయవంతమైన ఛేదనలో శుభ్‌మన్ గిల్ ప్రారంభం నుంచి చివరి వరకు నిలిచి జట్టును విజయతీరాలకు చేర్చాడు. కేవలం 53 బంతుల్లో 15 ఫోర్లు, 3 సిక్సర్లతో 104 పరుగులు చేసి ప్రత్యర్థి బౌలర్లపై పూర్తి ఆధిపత్యం చెలాయించాడు. అతనికి ఓపెనర్ సాయి సుదర్శన్ (58) అద్భుత సహకారం అందించాడు. వీరిద్దరూ తొలి వికెట్‌కు 167 పరుగుల భారీ భాగస్వామ్యాన్ని నమోదు చేసి మ్యాచ్‌ను పూర్తిగా గుజరాత్ వైపు తిప్పేశారు. అయితే 32 బంతుల్లో 58 పరుగులు చేసిన సుదర్శన్ దురదృష్టవశాత్తూ హిట్ వికెట్‌గా పెవిలియన్ చేరాడు.

Read Also : హార్దిక్ పాండ్యాపై ముంబై ఇండియన్స్ వేటు?