నడిరోడ్డుపై, పగటిపూటే అత్యంత రద్దీగా ఉండే ఒక అతిపెద్ద షాపింగ్ సెంటర్‌ను లక్ష్యంగా చేసుకుని ఈ దాడికి తెగబడ్డారు. ఈ ఘోర ఘటనలో 14 మంది పౌరులు అక్కడికక్కడే ప్రాణాలు కోల్పోగా, దాదాపు 120 మంది తీవ్రంగా గాయపడ్డారు. క్షతగాత్రుల్లో 22 మంది చిన్నపిల్లలు కూడా ఉండటం తీవ్ర కలకలం రేపుతోంది.

షాపింగ్ సెంటర్ ధ్వంసం.. ప్రెసిడెంట్ జెలెన్స్కీ ఆగ్రహం

దాడి తీవ్రతకు షాపింగ్ సెంటర్ భవనంలో భారీ ఎత్తున మంటలు ఎగసిపడ్డాయి. దాంతో స్థానికులు, కొనుగోలుదారులు తీవ్ర భయాందోళనలకు గురై పరుగులు తీశారు. గాయపడిన వారిలో 29 మంది పరిస్థితి అత్యంత విషమంగా ఉందని, మృతుల సంఖ్య మరిన్ని పెరిగే అవకాశం ఉందని స్థానిక అధికారులు తెలిపారు. కాగా, ఈ ఘాతుకాన్ని ఉక్రెయిన్ అధ్యక్షుడు వ్లాదిమిర్ జెలెన్స్కీ తీవ్రంగా ఖండించారు. సామాన్య పౌరులే లక్ష్యంగా పగటిపూట చేసిన ఈ దాడిని ఆయన ‘ఉగ్రవాద చర్య’తో పోలుస్తూ, రష్యా క్రూరత్వాన్ని ప్రపంచ దేశాల ముందు ఎండగట్టారు.

అమెరికా 'ఆర్థిక ఉగ్రవాదం'పై ఇరాన్ ఆగ్రహం