Mega 158 movie: మెగాస్టార్ చిరంజీవి కథానాయకుడిగా, మాస్ ఎంటర్‌టైనర్స్ స్పెషలిస్ట్ బాబీ కొల్లి (కె.ఎస్. రవీంద్ర) దర్శకత్వంలో ప్రతిష్ఠాత్మకంగా రూపొందుతున్న హై-వోల్టేజ్ యాక్షన్ డ్రామా Mega158 (చిరు-బాబీ 2) షూటింగ్ శరవేగంగా సాగుతోంది.

ఇటీవలే ఘనంగా ప్రారంభమైన ఈ చిత్రం తాజాగా తమిళనాడులోని పొల్లాచ్చి పరిసర ప్రాంతాల్లో సరికొత్త మరియు కీలకమైన షెడ్యూల్‌ను మొదలుపెట్టింది. ఈ సుదీర్ఘ షెడ్యూల్‌లో చిరంజీవితో పాటు సినిమాలోని ఇతర ముఖ్య తారాగణంపై కొన్ని కీలకమైన యాక్షన్ మరియు డ్రామా సీన్లను దర్శకుడు బాబీ చిత్రీకరిస్తున్నారు.

PollachiSchedule

Read also: Jananayagan clips leaked: విజయ్ మూవీ 'జననాయగన్' క్లిప్స్ లీక్..ఆరుగురు నిందితులు అరెస్ట్

తెలుగు తెరకు పరిచయం కానున్న అనస్వర రాజన్

మలయాళ చిత్ర పరిశ్రమలో తన నటనతో గుర్తింపు తెచ్చుకున్న యువ నటి అనస్వర రాజన్ ఈ చిత్రం ద్వారా టాలీవుడ్‌లోకి అడుగుపెడుతోంది. ఈ క్రేజీ ప్రాజెక్ట్‌లో ఆమె ఒక కీలక పాత్ర పోషిస్తున్నట్లు మేకర్స్ అధికారికంగా వెల్లడించారు. గతంలో వచ్చిన ‘వాల్తేరు వీరయ్య’ వంటి ఇండస్ట్రీ హిట్ తర్వాత చిరంజీవి – బాబీ కాంబినేషన్‌లో వస్తున్న రెండో సినిమా కావడం, దానికి తోడు చిరంజీవి తన మేకోవర్ కోసం జిమ్‌లో కఠినంగా వర్కవుట్స్ చేస్తున్న వీడియోలు ఇంటర్నెట్‌లో ట్రెండ్ అవ్వడంతో.. ఈ చిత్రంపై మెగా అభిమానుల్లో భారీ అంచనాలు నెలకొన్నాయి.

Mega 158 movie: టాప్ క్లాస్ టెక్నికల్ టీమ్.. ‘బ్లడీ బెంచ్‌మార్క్’ టార్గెట్

ప్రముఖ నిర్మాణ సంస్థ కేవీఎన్ ప్రొడక్షన్స్ (KVN Productions) బ్యానర్‌పై వెంకట్ కె. నారాయణ అత్యంత భారీ బడ్జెట్‌తో, గ్లోబల్ స్టాండర్డ్స్‌తో ఈ చిత్రాన్ని నిర్మిస్తున్నారు. ఈ మాస్ యాక్షన్ ఎంటర్‌టైనర్‌కు స్టార్ మ్యూజిక్ డైరెక్టర్ థమన్ ఎస్‌ఎస్ సంగీతాన్ని అందిస్తుండగా, ‘జైలర్’ చిత్రంతో ప్రశంసలు అందుకున్న విజయ్ కార్తీక్ కన్నన్ సినిమాటోగ్రాఫర్‌గా విజువల్స్ అందిస్తున్నారు.

మరికొంత మంది అగ్ర సాంకేతిక నిపుణులు ఈ సినిమాకు పని చేస్తున్నారు.ఎడిటింగ్: ఆంటోనీ రూబెన్, ప్రొడక్షన్ డిజైన్ (ఆర్ట్): కొల్లా అవినాష్ వ్యవహరిస్తున్నారు.”The blade that set the bloody benchmark” అనే పవర్‌ఫుల్ ట్యాగ్‌లైన్‌తో విడుదలైన కాన్సెప్ట్ పోస్టర్ ఇప్పటికే అంచనాలను ఆకాశానికి తీసుకెళ్లగా, పొల్లాచ్చి షెడ్యూల్‌తో సినిమా అవుట్‌పుట్‌పై యూనిట్ పూర్తి ధీమాతో ఉంది.