Hyderabad Bengaluru Bullet Train: రెండు ఐటీ మహానగరాలైన హైదరాబాద్‌ - బెంగళూరు మధ్య ప్రయాణ సమయాన్ని భారీగా తగ్గించేందుకు కేంద్ర ప్రభుత్వం ప్రతిపాదించిన మెగా బుల్లెట్ ట్రైన్ ప్రాజెక్టు పనులు వేగవంతమయ్యాయి.

నేషనల్ హైస్పీడ్ రైల్ కార్పొరేషన్ లిమిటెడ్ (NHSRCL) చేపట్టిన ప్రాథమిక ఎలైన్‌మెంట్ సర్వే ప్రక్రియ దాదాపు కొలిక్కి వస్తోంది. అయితే, పర్యాటక రంగాన్ని ప్రోత్సహించేలా, రైల్వే సదుపాయం లేని ప్రాంతాలకు లబ్ధి చేకూర్చేలా ఈ కారిడార్ రూట్ మ్యాప్‌లో తెలంగాణ ప్రభుత్వం సూచనల మేరకు కేంద్రం కీలక మార్పులు చేసింది.

Read Also:Bandi Bhageerath : ఏ క్షణమైనా బండి భగీరథ్ ను అరెస్ట్ చేయొచ్చు !!

తెలంగాణలో 205 కిలోమీటర్ల మేర ట్రాక్

తెలంగాణలో ప్రారంభమై ఆంధ్రప్రదేశ్ మీదుగా కర్ణాటక రాజధానికి చేరుకునే ఈ హైస్పీడ్ కారిడార్ పొడవునా పర్యావరణ అందాలు, పర్యాటక ప్రాంతాలు దర్శనమివ్వనున్నాయి. ఈ మొత్తం ప్రాజెక్టులో కేవలం తెలంగాణ రాష్ట్ర పరిధిలోనే సుమారు 205 కిలోమీటర్ల మేర హైస్పీడ్ రైలు మార్గాన్ని నిర్మించనున్నారు.

Hyderabad Bengaluru Bullet Train: మహబూబ్‌నగర్ కాదు.. శ్రీశైలం వైపు సరికొత్త రూట్!

తొలుత ఈ కారిడార్‌ను శంషాబాద్, మహబూబ్‌నగర్, వనపర్తి రోడ్, కర్నూలు మీదుగా బెంగళూరుకు అనుసంధానించాలని ఎన్‌హెచ్‌ఎస్‌ఆర్‌సీఎల్‌ భావించింది.

• తెలంగాణ ప్రభుత్వం ప్రతిపాదన: మహబూబ్‌నగర్‌ రూట్‌లో ఇప్పటికే సాధారణ రైల్వే నెట్‌వర్క్ బలంగా ఉన్నందున, రైలు కనెక్టివిటీ లేని ప్రాంతాల మీదుగా ఈ ప్రాజెక్టును తీసుకెళ్లాలని రాష్ట్ర ప్రభుత్వం కోరింది.
• కేంద్రం గ్రీన్ సిగ్నల్: రాష్ట్ర ప్రభుత్వ విజ్ఞప్తిని మన్నించిన కేంద్రం.. శంషాబాద్, ఫోర్త్ సిటీ (ముచ్చర్ల), మన్ననూరు-శ్రీశైలం మార్గం వైపు మొగ్గు చూపింది. కొత్త ప్లాన్ ప్రకారం మన్ననూరు నుంచి సోమశిల మీదుగా ఈ ట్రాక్ ఆంధ్రప్రదేశ్‌లోని కర్నూలుకు కనెక్ట్ అవుతుంది.