రాష్ట్రంలోని ప్రభుత్వ ఆసుపత్రుల్లో జన్మించే ప్రతి శిశువుకు ఒక గ్రాము బంగారు ఉంగరాన్ని (Gold Ring) బహుమతిగా అందించనున్నట్లు ఆయన ప్రకటించారు. గత ఎన్నికల ప్రచారంలో ఇచ్చిన హామీని నెరవేరుస్తూ, ఈ పథకానికి ‘తాయ్ మామన్ గోల్డ్ రింగ్ స్కీమ్’ (Thai Maman Gold Ring Scheme – మేనమామ బంగారు ఉంగరం పథకం) అని నామకరణం చేశారు. ఈ ప్రతిష్టాత్మక పథకాన్ని సెప్టెంబర్ 15వ తేదీన అధికారికంగా ప్రారంభించనున్నారు. విశేషమేమిటంటే, అదే రోజున డీఎంకే (DMK) వ్యవస్థాపకుడు, తమిళనాడు మాజీ ముఖ్యమంత్రి సి.ఎన్. అన్నాదురై జయంతి కావడం గమనార్హం.

జూన్ 22 నుంచి పుట్టిన వారికి వర్తింపు.. ‘తాయ్ మామన్’ సెంటిమెంట్!

ఈ పథకం అమలు తేదీపై ప్రభుత్వం కీలక స్పష్టతనిచ్చింది. ఈ ఏడాది ముఖ్యమంత్రి విజయ్ పుట్టినరోజైన జూన్ 22వ తేదీ నుండి ప్రభుత్వ ఆసుపత్రుల్లో జన్మించిన శిశువులందరూ ఈ బంగారు ఉంగరం పథకానికి అర్హులుగా గుర్తిస్తారు. తమిళ సంస్కృతిలో పుట్టిన పిల్లలకు మేనమామ (తాయ్ మామన్) బంగారు నగలు ప్రెసెంట్ చేయడం ఒక పవిత్రమైన సెంటిమెంట్‌గా భావిస్తారు. ఈ సెంటిమెంట్‌ను క్యాష్ చేసుకుంటూ, ప్రభుత్వమే ప్రతి బిడ్డకు మేనమామగా మారి ఈ గిఫ్ట్ అందిస్తుందని ప్రకటించడం ద్వారా విజయ్ ప్రజల్లోకి బలంగా దూసుకెళ్తున్నారు. ఈ పథకం ద్వారా ప్రభుత్వ ఆసుపత్రుల్లో కాన్పుల సంఖ్య పెరగడమే కాకుండా, పేద కుటుంబాలకు ఆర్థికంగా ఒక భరోసా లభిస్తుందని రాజకీయ విశ్లేషకులు భావిస్తున్నారు.

సీఎం విజయ్‌పై ఉదయనిధి ఘాటు వ్యాఖ్యలు