CM Vijay: తమిళనాడు ముఖ్యమంత్రి విజయంపై సోషల్ మీడియాలో అభ్యంతరకర కంటెంట్‌ను ప్రచారం చేసినందుకు గాను యాపిల్ ఉద్యోగి అరెస్ట్ అయ్యారు. కోయంబత్తూరు జిల్లా సూలూరులో జరిగిన పదేళ్ల చిన్నారి అత్యాచారం, హత్య కేసు విషయంలో నిందితుడు బాధ్యతారహితంగా వ్యవహరించారు.

సోషల్ మీడియాలో తప్పుడు సమాచారాన్ని వ్యాప్తి చేస్తూ ప్రజలను రెచ్చగొట్టేలా పోస్టులు పెట్టడంతో పోలీసులు రంగంలోకి దిగారు.

Read also: New Zealand Road Accident: న్యూజీలాండ్‌లో విషాదం.. రోడ్డు ప్రమాదంలో భారతీయ ఉబెర్ డ్రైవర్ మృతి!

Apple Employee Arrested

పాలయంకొట్టై పోలీసుల కేసు నమోదు

సోషల్ మీడియా వేదికగా అసత్య ప్రచారాలు చేస్తున్న వ్యక్తిని గుర్తించి పాలయంకొట్టై పోలీసులు నాలుగు సెక్షన్ల కింద కేసు నమోదు చేశారు. నిందితుడిని అదుపులోకి తీసుకున్న పోలీసులు విచారణ జరిపి కోర్టులో హాజరుపరిచారు. ఈ ఘటనలో ఇప్పటికే ఇద్దరు వ్యక్తులను పోలీసులు అదుపులోకి తీసుకోగా, తాజాగా యాపిల్ ఉద్యోగిని అరెస్ట్ చేయడం సంచలనంగా మారింది.

CM Vijay: మెడికల్ లీవ్‌లో ఉన్న నిందితుడు

అరెస్టయిన వ్యక్తి గత రెండు నెలలుగా మెడికల్ లీవ్‌లో ఉన్నట్లు ప్రాథమిక విచారణలో వెల్లడైంది. సెలవులో ఉన్న సమయంలో ఇలాంటి వివాదాస్పద పనులకు పాల్పడటంపై పలువురు ఆశ్చర్యం వ్యక్తం చేస్తున్నారు. బాధ్యతాయుతమైన సంస్థలో పనిచేస్తూ చట్ట వ్యతిరేకమైన వ్యాఖ్యలు చేసినందుకే ఈ కఠిన చర్యలు తీసుకున్నట్లు అధికారులు స్పష్టం చేశారు.