భద్రాద్రి కొత్తగూడెం జిల్లాలో ఒక సిమ్ కార్డ్ విక్రయదారుడు ప్రకటించిన వినూత్న ఆఫర్ ఇప్పుడు సోషల్ మీడియాలో హాట్ టాపిక్ అయింది. పెట్రోల్ కష్టాలను తన వ్యాపారానికి అనుకూలంగా మార్చుకున్న తీరు అందరినీ ఆశ్చర్యపరుస్తోంది.

భద్రాద్రి కొత్తగూడెం జిల్లా దమ్మపేట మండల కేంద్రంలో ఒక టెలికాం సంస్థ ప్రతినిధి వినూత్నమైన వ్యాపార ఎత్తుగడను ప్రదర్శించారు. ప్రస్తుతం పెట్రోల్ కొరత లేదా ధరల పెరుగుదల వంటి కారణాలతో సామాన్యులు ఇబ్బంది పడుతున్న తరుణాన్ని క్యాష్ చేసుకునేందుకు, “మీ నెట్‌వర్క్‌ను మా కంపెనీకి పోర్ట్ చేయించుకోండి.. లీటర్ పెట్రోల్ ఉచితంగా పొందండి” అంటూ ప్రకటించారు. ఈ ప్రకటన విన్న వాహనదారులు, ముఖ్యంగా యువత ఆ కేంద్రం వద్దకు క్యూ కడుతున్నారు. క్రైసిస్ సమయంలో జనాన్ని ఆకర్షించడానికి ఇదొక తెలివైన మార్గమని స్థానికులు చర్చించుకుంటున్నారు.

Read Also ; DC vs RCB: ఢిల్లీని చిత్తు చేసిన బెంగళూరు

Free Petrol

రీఛార్జ్ ప్లాన్ నిబంధనలు – జనం ఆసక్తి

అయితే, ఈ ఉచిత పెట్రోల్ ఆఫర్ పొందడానికి కొన్ని నిబంధనలు ఉన్నాయి. కేవలం సిమ్ పోర్ట్ చేయడమే కాకుండా, సదరు వినియోగదారుడు రూ. 350 విలువైన రీఛార్జ్ ప్లాన్‌ను కూడా తీసుకోవాల్సి ఉంటుంది. అంటే, ఒకవైపు నెట్‌వర్క్ మారడం, మరోవైపు రీఛార్జ్ ప్రయోజనాలతో పాటు ఉచితంగా లీటర్ పెట్రోల్ వస్తుండటంతో వినియోగదారులు దీనికి మొగ్గు చూపుతున్నారు. సాధారణంగా పెట్రోల్ కోసం గంటల తరబడి క్యూలో నిలబడాల్సిన పరిస్థితులు ఉన్న సమయంలో, ఈ తరహా ‘గిఫ్ట్’ ఆఫర్ వాహనదారులకు పెద్ద ఊరటగా కనిపిస్తోంది.