ప్రభుత్వ స్కూళ్లు, జూనియర్ కాలేజీల్లో చదువుకునే విద్యార్థులతో పాటు, అక్కడ విధులు నిర్వహిస్తున్న ఉపాధ్యాయులు, అధ్యాపకులు మరియు ఇతర అనధికారిక సిబ్బందికి కూడా ఉచితంగా అల్పాహారం (బ్రేక్ ఫాస్ట్), మధ్యాహ్న భోజనం (లంచ్) అందించాలని రాష్ట్ర క్యాబినెట్ కీలక నిర్ణయం తీసుకుంది. ఇటీవల కాలంలోనే విద్యార్థుల కోసం రాష్ట్రవ్యాప్తంగా ప్రతిష్టాత్మక ‘ముఖ్యమంత్రి అల్పాహార పథకం’ (సిఎం బ్రేక్‌ఫాస్ట్ స్కీమ్) ప్రారంభమైన సంగతి తెలిసిందే. అయితే, ఉదయాన్నే సుదూర ప్రాంతాల నుంచి ప్రయాణించి పాఠశాలలకు వచ్చే ఉపాధ్యాయులకు కూడా ఈ వసతి కల్పిస్తే బాగుంటుందనే ఉద్దేశంతో ఈ నిర్ణయం తీసుకున్నారు.

విజ్ఞప్తులకు సర్కార్ సానుకూల స్పందన.. క్యాబినెట్ ఆమోదం

రాష్ట్రవ్యాప్తంగా వివిధ ఉపాధ్యాయ సంఘాల నుంచి, సిబ్బంది నుంచి ప్రభుత్వానికి అందిన విజ్ఞప్తులను పరిశీలించిన ముఖ్యమంత్రి మరియు మంత్రివర్గం దీనిపై సానుకూలంగా స్పందించింది. ఉపాధ్యాయులు మరియు స్కూల్ సిబ్బంది సమయపాలన పాటించడంతో పాటు, ఒత్తిడి లేకుండా విద్యార్థులకు నాణ్యమైన విద్యను అందించేందుకు ఈ నిర్ణయం ఎంతో దోహదపడుతుందని క్యాబినెట్ అభిప్రాయపడింది. తాజాగా జరిగిన రాష్ట్ర మంత్రివర్గ సమావేశంలో ఈ ప్రతిపాదనకు అధికారికంగా ఆమోద ముద్ర వేశారు. విద్యార్థులతో పాటు ఒకే పంక్తిలో ఉపాధ్యాయులు కూడా భోజనం చేయడం వల్ల పాఠశాలల్లో సమానత్వం పెంపొందడమే కాకుండా, భోజనం నాణ్యతను నిరంతరం పర్యవేక్షించడానికి వీలవుతుందని విద్యాశాఖ అధికారులు భావిస్తున్నారు. ప్రభుత్వ తీసుకున్న ఈ వినూత్న నిర్ణయంపై ఉపాధ్యాయ లోకం హర్షం వ్యక్తం చేస్తోంది.

సొంతింటి కల సాకారం కాంగ్రెస్‌తోనే సాధ్యం