Andhra Pradesh: ప్రముఖ పుణ్యక్షేత్రం శ్రీశైలం(Srisailam)లో అర్ధరాత్రి సమయంలో చిరుత సంచారం తీవ్ర కలకలం రేపింది.
పాతాళగంగ ప్రాంతానికి సమీపంలోని ఓ నివాసం వద్ద చిరుత తిరుగుతున్న దృశ్యాలు సీసీ కెమెరాలో రికార్డు అయ్యాయి. వీడియో సోషల్ మీడియాలో వెలుగులోకి రావడంతో స్థానికులలో భయం నెలకొంది.
Read Also: Cigarette Price Hike : సిగరెట్ ధరలు పెరిగితే స్మగ్లింగ్ పెరుగుతుంది - TII హెచ్చరిక
ఈ ఘటనపై అటవీశాఖ(Forest Department), దేవస్థాన అధికారులు వెంటనే స్పందించారు. చిరుత(Leopard) కదలికలను గమనించేందుకు ప్రత్యేక బృందాలను రంగంలోకి దించారు. పాతాళగంగ ఘాట్ వైపు వెళ్లే భక్తులు, పర్యాటకులు రాత్రి సమయాల్లో సంచరించకూడదని సూచించారు. అలాగే, అవసరం లేని ప్రయాణాలను నివారిస్తూ అప్రమత్తంగా ఉండాలని అధికారులు హెచ్చరించారు.
అడవులకు ఆనుకుని ఉన్న శ్రీశైలం పరిసర ప్రాంతాల్లో వన్యప్రాణుల సంచారం సాధారణమేనని అధికారులు తెలిపారు. అయితే ప్రజల భద్రత దృష్ట్యా అదనపు పర్యవేక్షణ, గస్తీ చర్యలు చేపట్టినట్లు వెల్లడించారు. భక్తులు అధికారుల సూచనలను తప్పనిసరిగా పాటించాలని, ఎలాంటి అప్రమత్త పరిస్థితి ఎదురైనా వెంటనే సమాచారం అందించాలని కోరారు.
Read hindi news: hindi.vaartha.com
Epaper: epaper.vaartha.com