Jr NTR Birthday Celebrations: గ్లోబల్ స్టార్ జూనియర్ ఎన్టీఆర్ పుట్టినరోజు వేడుకలు తెలుగు రాష్ట్రాల్లో పండగ వాతావరణాన్ని తెచ్చాయి. మే 20న అర్ధరాత్రి 12 గంటలు దాటగానే హైదరాబాద్ నగరంలోని ఆయన ఇల్లు అభిమానుల రాకతో జనసంద్రంగా మారింది.

నలుమూలల నుండి వచ్చిన వేలాది మంది ఫ్యాన్స్ పెద్ద పెట్టున నినాదాలు చేస్తూ బాణసంచా కాల్చారు. తమ ప్రియతమ నటుడికి శుభాకాంక్షలు చెప్పేందుకు అర్ధరాత్రి అంతా రోడ్లపైనే వేచి చూశారు. ఫ్యాన్స్ చూపిస్తున్న అపారమైన ప్రేమాభిమానాలకు ముగ్ధుడైన తారక్ స్వయంగా బయటకు వచ్చి అందరికీ నమస్కరిస్తూ ఆనందం పంచుకున్నారు.

Read also: Twisha Sharma : నటి ట్విషా శర్మ మృతిపై కంగనా ఆవేదన

Jr NTR Birthday Celebrations Dragon

డ్రాగన్ గ్లింప్స్ రికార్డులు

మరోవైపు సోషల్ మీడియాలో డ్రాగన్ సినిమా ఫస్ట్ గ్లింప్స్ సునామీ సృష్టిస్తోంది. సంచలన దర్శకుడు ప్రశాంత్ నీల్ కాంబినేషన్ లో మైత్రి మూవీ మేకర్స్ ఈ చిత్రాన్ని భారీ బడ్జెట్ తో నిర్మిస్తోంది. దాదాపు 4 నిమిషాల నిడివితో వచ్చిన ఈ వీడియోలో ఎన్టీఆర్ సరికొత్త మాస్ అవతారంలో కనిపించారు. ఈ క్యారెక్టర్ కోసం ఆయన బరువు తగ్గి రగ్గడ్ లుక్ లో వైల్డ్ హెయిర్ స్టైల్ తో మెరిశారు. ఎన్టీఆర్ తన బేస్ వాయిస్ తో చెప్పిన పవర్ ఫుల్ డైలాగ్స్ థియేటర్లలో ఈలలు వేయించేలా ఉన్నాయి.

Jr NTR Birthday Celebrations: భారీ అంచనాల కాంబినేషన్

ప్రశాంత్ నీల్ మార్క్ ఎలివేషన్లకు తోడు రవి బస్రూర్ అందించిన బ్యాక్ గ్రౌండ్ మ్యూజిక్ ఈ వీడియోను నెక్స్ట్ లెవెల్ కి తీసుకెళ్లింది. యాక్షన్ సీక్వెన్స్ విజువల్స్ చూస్తుంటే సినిమాపై అంచనాలు ఆకాశాన్ని తాకుతున్నాయి. ఈ చిత్రంలో ఎన్టీఆర్ సరసన కన్నడ బ్యూటీ రుక్మిణి వసంత నటిస్తుండగా బాలీవుడ్ సీనియర్ నటుడు అనిల్ కపూర్ కీలక పాత్రలో కనిపిస్తున్నారు. ఇటు ఇంటి వద్ద ఫ్యాన్స్ కోలాహలం అటు నెట్టింట్లో గ్లింప్స్ సృష్టించిన రికార్డులతో ఈ బర్త్ డే టాలీవుడ్ లో నెవర్ బిఫోర్ అనేలా సాగుతోంది.