ETV Win : భారతదేశ వ్యాప్తంగా ప్రాంతీయ భాషా కంటెంట్కు మరియు ఓటీటీ (OTT) వినియోగానికి ఆదరణ విపరీతంగా పెరుగుతున్న తరుణంలో, ప్రముఖ స్ట్రీమింగ్ సర్వీస్ 'టాటా ప్లే బింజ్' (Tata Play Binge) తన ప్రాంతీయ వినోద పోర్ట్ఫోలియోను మరింత విస్తరించింది.
ఇందులో భాగంగా ఈటీవీ నెట్వర్క్ నుంచి వచ్చిన పాపులర్ తెలుగు డిజిటల్ ప్లాట్ఫామ్ ‘ఈటీవీ విన్’ (ETV Win) ను తమ వేదికపైకి తీసుకొచ్చింది. ఈ మెగా భాగస్వామ్యం ద్వారా టాటా ప్లే బింజ్ సబ్స్క్రైబర్లు దేశంలోనే అత్యంత విస్తృతమైన తెలుగు వినోద లైబ్రరీని ఒకే చోట నుండి చాలా సులభంగా యాక్సెస్ చేయవచ్చు. ఈటీవీ విన్ చేరికతో టాటా ప్లే బింజ్ ఓటీటీ లైనప్లో జాతీయ, అంతర్జాతీయ మరియు ప్రాంతీయ యాప్ల సంఖ్య ఏకంగా 30 దాటడం విశేషం.
500కు పైగా సినిమాలు, 7 లైవ్ ఛానళ్లు.. ఒకే సబ్స్క్రిప్షన్తో భారీ వినోదం!
ఈటీవీ విన్ ఇప్పుడు టాటా ప్లే బింజ్లో భాగం కావడంతో వీక్షకులకు భారీ కంటెంట్ అందుబాటులోకి వచ్చింది. ఈ ప్లాట్ఫామ్ ద్వారా సబ్స్క్రైబర్లు 499 కి పైగా తెలుగు సినిమాలు, 130 కి పైగా ఒరిజినల్ చిత్రాలు (ఉషకిరణ్ మూవీస్), పాపులర్ సీరియళ్లు, వెబ్ సిరీస్లతో పాటు ఈటీవీ తెలుగు, ఈటీవీ ప్లస్, ఈటీవీ సినిమా వంటి 7 లైవ్ టీవీ ఛానళ్లను వీక్షించవచ్చు. ఇటీవల సూపర్ హిట్ అయిన ’90’s’, ‘క (KA)’, ‘లిటిల్ హార్ట్స్’, ‘పాపం ప్రథమ్’ వంటి కంటెంట్ కూడా ఇందులో అందుబాటులో ఉంది. టాటా ప్లే చీఫ్ కమర్షియల్ ఆఫీసర్ పల్లవి పూరి మరియు ఈటీవీ విన్ మేనేజింగ్ డైరెక్టర్ కె. బాపినీడు చౌదరి ఈ భాగస్వామ్యంపై సంతోషం వ్యక్తం చేశారు. ప్రైమ్ వీడియో, జియోహాట్స్టార్, ఆహా వంటి 30 కి పైగా అగ్రశ్రేణి యాప్లతో పాటు ఈటీవీ విన్ కంటెంట్ను కూడా వినియోగదారులు ఒకే ఒక సబ్స్క్రిప్షన్ మరియు ఒకే యూజర్ ఇంటర్ఫేస్ ద్వారా స్మార్ట్ టీవీలు, మొబైల్స్ లేదా సెట్-టాప్ బాక్స్లలో నిరంతరాయంగా ఆస్వాదించవచ్చు.