ముఖ్యమంత్రి స్టాలిన్ తన సొంత నియోజకవర్గం కొలతూర్ నుంచి మరోసారి పోటీ చేస్తుండగా, ఆయన తనయుడు, డిప్యూటీ సీఎం ఉదయనిధి స్టాలిన్ చెపాక్-ట్రిప్లికేన్ నుంచి బరిలో ఉన్నారు. అలాగే కోయంబత్తూరు సౌత్ నుంచి సెంథిల్ బాలాజీ, బోడినాయక్కనూర్ నుంచి పన్నీర్‌సెల్వం పోటీ చేస్తున్నారు. ఈ జాబితాలో 60 మంది కొత్త వారికి అవకాశం కల్పించడం ద్వారా స్టాలిన్ యువతకు ప్రాధాన్యతనిచ్చారు. చదువుకున్న అభ్యర్థులకే పెద్దపీట వేస్తూ 125 మంది గ్రాడ్యుయేట్లను బరిలోకి దింపారు, వీరిలో డాక్టర్లు, లాయర్లు మరియు ఇంజనీర్లు ఉండటం విశేషం.

Read Also : Inorbit Mall Vizag: వైజాగ్ లో ఇనార్బిట్ మాల్ ప్రారంభం.. బారులు తీరిన జనం

సెక్యూలర్ ప్రొగ్రెసివ్ అలయెన్స్ (SPA) వ్యూహం

డీఎంకే సారథ్యంలోని ‘సెక్యూలర్ ప్రొగ్రెసివ్ అలయెన్స్’ (ఎస్‌పీఏ) కూటమిలో సీట్ల సర్దుబాటు పూర్తయింది. తొలుత 175 స్థానాల్లో పోటీ చేయాలని భావించిన డీఎంకే, మిత్రపక్షాల కోరిక మేరకు తన వాటాను 164కి తగ్గించుకుంది. మిగిలిన 70 స్థానాల్లో కాంగ్రెస్, డీఎండీకే, వామపక్షాలు, వీసీకే వంటి పార్టీలు పోటీ చేయనున్నాయి. కాంగ్రెస్ పార్టీ 28 స్థానాల్లో బరిలోకి దిగుతుండగా, టీడీకే, ఎస్డీపీఐ వంటి చిన్న పార్టీలు డీఎంకే గుర్తు అయిన ‘ఉదయించే సూర్యుడు’పైనే పోటీ చేస్తున్నాయి. కూటమిలోని అన్ని పార్టీలను కలుపుకుని పటిష్టమైన వ్యూహంతో ముందుకు వెళ్తున్న స్టాలిన్, ప్రభుత్వ వ్యతిరేకత దరిచేరకుండా పక్కా ప్రణాళికతో అభ్యర్థులను ఎంపిక చేశారు.

అన్నాడీఎంకే రెండో జాబితా విడుదల

ప్రధాన ప్రతిపక్షం అన్నాడీఎంకే (AIADMK) కూడా ఎన్నికల రేసులో వేగం పెంచింది. 127 మంది అభ్యర్థులతో కూడిన రెండో జాబితాను ఆ పార్టీ విడుదల చేసింది. ఎన్డీయే కూటమిలోని ఇతర పార్టీలకు కేటాయించిన స్థానాలు పోను, అన్నాడీఎంకే మొత్తం 169 స్థానాల్లో పోటీ చేయనుంది. రెండో జాబితాలో 20 మంది సిట్టింగ్ ఎమ్మెల్యేలకు షాక్ ఇస్తూ, వారి స్థానంలో మాజీ మంత్రులకు అవకాశం కల్పించింది. తమిళనాడు అంతటా ఒకే విడతలో ఏప్రిల్ 23న పోలింగ్ నిర్వహించనున్నారు. మే 4న ఓట్ల లెక్కింపు చేపట్టి ఫలితాలను వెల్లడించనున్నారు. అన్నాడీఎంకే అభ్యర్థుల ఎంపికలో అనుభవానికే ప్రాధాన్యత ఇవ్వగా, డీఎంకే మాత్రం కొత్త రక్తాన్ని ఎక్కించే ప్రయత్నం చేస్తోంది.

Read Also hindi news: hindi.vaartha.com

Read Also Epaper : epaper.vaartha.com

Read Also :

తల్లి బతికే ఉందని నమ్మించి ఏడేళ్లుగా పెన్షన్ తీసుకున్న ప్రబుద్దుడు