Tamil Nadu Politics: తమిళనాడు రాజకీయాల్లో ఊహించని భారీ సంచలనం నమోదైంది. ప్రధాన ప్రతిపక్షం అన్నాడీఎంకే కు ఆ పార్టీకి చెందిన ముగ్గురు సిట్టింగ్ ఎమ్మెల్యేలు ఊహించని షాక్ ఇచ్చారు.

పార్టీ ప్రాథమిక సభ్యత్వంతో పాటు తమ MLA పదవులకు ఈ ముగ్గురు నేతలు రాజీనామా చేశారు. తమిళ సినీ నటుడు, ముఖ్యమంత్రి విజయ్ నేతృత్వంలోని తమిళగ వెట్రి కళగం (TVK) పార్టీ అధికారంలోకి వచ్చిన తరుణంలో, అసెంబ్లీలో జరిగిన బలపరీక్షలో వీరు విజయ్ ప్రభుత్వానికి మద్దతు తెలపడం.. ఆ వెంటనే రాజీనామాలు సమర్పించడం రాష్ట్రవ్యాప్తంగా తీవ్ర చర్చనీయాంశమైంది.

Read Also : Twisha Sharma death case: ట్విషా శర్మ మృతి కేసు: న్యాయవ్యవస్థపై ప్రచారంపై సుప్రీంకోర్టు తీవ్ర విచారం

: Sensation in Tamil Nadu politics.. Three AIADMK MLAs resign

Tamil Nadu Politics: నేరుగా స్పీకర్‌కే రాజీనామా లేఖలు

అన్నాడీఎంకేకు గుడ్‌బై చెప్పిన వారిలో ప్రముఖ ఎమ్మెల్యేలు ఉన్నారు. మరగాథం, సత్యభామ, జయకుమార్, ఈ ముగ్గురు నేతలు శాసనసభ స్పీకర్‌ను నేరుగా కలిసి తమ అధికారిక రాజీనామా లేఖలను అందజేశారు. శాసనసభ సభ్యత్వాలకు రాజీనామా చేసిన వెంటనే ఈ ముగ్గురు నేతలు.. టీవీకే ప్రభుత్వంలో కీలక మంత్రిగా ఉన్న ఆదవ్ అర్జునతో ప్రత్యేకంగా భేటీ అయ్యారు. మంత్రి అర్జున సమక్షంలోనే వీరు త్వరలోనే అధికారికంగా తమిళగ వెట్రి కళగం (TVK) పార్టీ కండువా కప్పుకోనున్నట్లు సమాచారం.