చెంగల్పట్టు ఫ్యామిలీ/మహిళా కోర్టులో సోమవారం (జూన్ 15, 2026) ఉదయం 10:30 గంటలకు ఈ కేసు విచారణకు వచ్చింది.

Read Also :CM Vijay Divorce Case: విజయ్ విడాకుల కేసులో నేడు కీలక విచారణ

అయితే, ఈ విచారణకు సీఎం విజయ్ కానీ, సంగీత కానీ వ్యక్తిగతంగా హాజరుకాలేదు. భద్రతా కారణాలు మరియు లాజిస్టిక్స్ ఇబ్బందుల దృష్ట్యా తాము నేరుగా రాలేకపోతున్నామని, వీడియో కాన్ఫరెన్స్ (వీసీ) ద్వారా హాజరయ్యేందుకు అనుమతించాలని ఇరుపక్షాల న్యాయవాదులు కోర్టును అభ్యర్థించారు. దీనిపై స్పందించిన న్యాయమూర్తి సుజాత గారు.. ఇరుపక్షాల లాయర్లను అఫిడవిట్ దాఖలు చేయాలని ఆదేశిస్తూ, తదుపరి విచారణను ఆగస్టు 7, 2026 కి వాయిదా వేశారు. ఆ రోజున తప్పనిసరిగా వీడియో కాన్ఫరెన్స్ ద్వారా ఇద్దరూ హాజరుకావాలని స్పష్టం చేశారు.

పిటిషన్‌లో సంగీత చేసిన సంచలన ఆరోపణలు

Sangeetha’s Infidelity Charges Against Vijay, Court Hearing Adjourned to Aug 7

సంగీత దాఖలు చేసిన దాదాపు 12 పేజీల విడాకుల పిటిషన్‌లో విజయ్‌పై తీవ్రమైన ఆరోపణలు చేశారు. 1999లో వివాహం చేసుకున్న వీరు తమ 27 ఏళ్ల సుదీర్ఘ వైవాహిక బంధాన్ని ముగించుకోవాలని నిర్ణయించుకోవడం వెనుక గల కారణాలను ఆమె పేర్కొన్నారు.

ఏప్రిల్ 2021లోనే విజయ్‌కు ఒక ప్రముఖ స్టార్ నటితో వివాహేతర సంబంధం ఉందని తాను గుర్తించానని సంగీత తెలిపారు. దీనిపై నిలదీసినప్పుడు ఆ బంధాన్ని తెంచుకుంటానని విజయ్ హామీ ఇచ్చినా, ఆ తర్వాత కూడా సదరు నటితో కలిసి పర్యటనలకు వెళ్లారని ఆరోపించారు. వారిద్దరూ కలిసి ఉన్న ఫోటోలను ఆ నటి సోషల్ మీడియాలో పోస్ట్ చేయడం వల్ల తాను, తన ఇద్దరు పిల్లలు (జాసన్ సంజయ్, దివ్య సాషా) తీవ్ర బహిరంగ అవమానానికి గురయ్యామని ఆవేదన వ్యక్తం చేశారు. విజయ్ తనపై కఠినమైన ఆర్థిక ఆంక్షలు విధించారని, తన స్వేచ్ఛను హరిస్తూ గతంలో ఉన్న సౌకర్యాలను ఉపసంహరించుకున్నారని తెలిపారు. భార్యగా తనకు ఎలాంటి గౌరవం ఇవ్వకుండా, ఒకే ఇంట్లో ఉంటూనే తనను ఒంటరిని చేసి తీవ్ర మానసిక వేదనకు గురిచేశారని (Constructive Desertion) పేర్కొన్నారు. ఈ కారణాల రీత్యా ప్రత్యేక వివాహాల చట్టం, 1954 లోని సెక్షన్ 27(1)(a) మరియు 27(1)(d) కింద తనకు విడాకులు మంజూరు చేయాలని, చెన్నై నీలాంకరైలోని తమ నివాసంలోనే ఉండే హక్కుతో పాటు తన హోదాకు తగిన శాశ్వత భరణం (Alimony) ఇప్పించాలని ఆమె న్యాయస్థానాన్ని ఆశ్రయించారు.

CM Vijay Divorce Case: ఒకవైపు సీఎం బాధ్యతలు.. మరోవైపు వ్యక్తిగత వివాదం

ఒకవైపు వ్యక్తిగత జీవితంలో ఇంతటి పెద్ద కుదుపు నడుస్తున్నప్పటికీ, విజయ్ రాజకీయ ప్రస్థానం మాత్రం సరికొత్త చరిత్ర సృష్టించింది. విజయ్ స్థాపించిన ‘తమిళగ వెట్రి కళగం’ (TVK) పార్టీ ఇటీవల జరిగిన అసెంబ్లీ ఎన్నికల్లో డీఎంకే, అన్నాడీఎంకే వంటి ద్రవిడ దిగ్గజాలను ఓడించి ప్రభంజనం సృష్టించింది. మే 10న ఆయన తమిళనాడు ముఖ్యమంత్రిగా ప్రమాణ స్వీకారం చేశారు. ప్రస్తుతం సోషల్ మీడియాలో వీరిద్దరి ప్యాచ్-అప్ (పునఃకలయిక) కోసం ప్రయత్నాలు జరుగుతున్నట్లు కూడా కొన్ని వార్తలు వస్తున్నప్పటికీ, కోర్టు పరిణామాలు మాత్రం కేసు ముదిరినట్లు స్పష్టం చేస్తున్నాయి.

'మా ఇంటి బంగారం' ప్రమోషన్స్‌లో సమంత సరికొత్త రికార్డు.. ఒకే రోజు 40 ఇంటర్వ్యూలు!