Shakti Kapoor: సోషల్ మీడియాలో సెలబ్రిటీల గురించి వస్తున్న అసత్య వార్తలు మరోసారి కలకలం రేపాయి. బాలీవుడ్ దిగ్గజ నటుడు, హీరోయిన్ శ్రద్ధా కపూర్ తండ్రి శక్తి కపూర్ చనిపోయినట్లు శుక్రవారం కొన్ని సోషల్ మీడియా ఖాతాల్లో వార్తలు రావడంతో చిత్ర పరిశ్రమ షాక్‌కు గురైంది.

ఈ వార్త వైరల్ కావడంతో అభిమానులు, సినీ వర్గాలు తీవ్ర ఆందోళనకు గురయ్యారు. కొందరు ఇది నిజమని నమ్మి సామాజిక మాధ్యమాల్లో ఆయనకు నివాళులర్పించడం కూడా చర్చనీయాంశమైంది.

శక్తి కపూర్ మరణించారనే వార్తలతో శ్రద్ధా కపూర్, ఆమె కుటుంబ సభ్యులకు సినీ ప్రముఖుల నుంచి పెద్ద ఎత్తున ఫోన్లు, సంతాప సందేశాలు అందాయి. ఈ పరిణామంతో వారు తీవ్ర మనోవేదనకు, అసహనానికి గురయ్యారు. బతికున్న వ్యక్తి గురించి ఇటువంటి తప్పుడు కథనాలు ప్రచారం చేయడంపై ఆగ్రహం వ్యక్తం చేశారు.

Read Also : Ashu Reddy Case:రూ. 9.35 కోట్ల మోసం కేసులో పోలీసుల నోటీసులు!

Shakti Kapoor denies rumours of his death

Shakti Kapoor: పుకార్లపై శక్తి కపూర్ వీడియో సందేశం

ఈ ఫేక్ న్యూస్‌పై స్వయంగా శక్తి కపూర్ స్పందించారు. ఓ వీడియో సందేశాన్ని విడుదల చేస్తూ తాను క్షేమంగా ఉన్నానని స్పష్టం చేశారు. “నేను చనిపోయానంటూ వస్తున్న వార్తలు పూర్తిగా అబద్ధం. నేను ఎంతో సంతోషంగా, ఆరోగ్యంగా ఉన్నాను. దయచేసి ఇటువంటి పుకార్లను నమ్మకండి” అని ఆయన వివరణ ఇచ్చారు. తన గురించి తప్పుడు కథనాలు వ్యాప్తి చేసిన వారిని వదిలిపెట్టనని, బాధ్యులపై సైబర్ పోలీసులకు ఫిర్యాదు చేస్తానని ఆయన హెచ్చరించారు.