తెలంగాణ గురుకుల ఇంటర్ ఫలితాలు విడుదల

TGRJC CET-2026 Results: తెలంగాణలోని గురుకుల జూనియర్ కాలేజీల్లో ఇంటర్మీడియట్ మొదటి సంవత్సరంలో ప్రవేశాల కోసం నిర్వహించిన 'TGRJC CET-2026' పరీక్ష ఫలితాలను గురుకుల విద్యాలయాల సంస్థ అధికారికంగా విడుదల చేసింది.

మే 3న జరిగిన ఈ ప్రవేశ పరీక్షకు రాష్ట్రవ్యాప్తంగా 59,310 మంది విద్యార్థులు హాజరయ్యారు. పరీక్ష రాసిన అభ్యర్థులు ఈనెల 18వ తేదీ నుంచి అధికారిక వెబ్‌సైట్ ద్వారా తమ ఫలితాలను మరియు మెరిట్ కార్డులను పొందేందుకు అధికారులు ఏర్పాట్లు పూర్తి చేశారు.

Read Also:CBSE కీలక మార్పు

TGRJC CET-2026 Results: ఎంపిక విధానం & తదుపరి ప్రక్రియ

విద్యార్థులు 'https://tgrjc.cgg.gov.in' వెబ్‌సైట్‌లోకి వెళ్లి తమ హాల్ టికెట్ నంబర్, పుట్టిన తేదీ వివరాలను నమోదు చేయడం ద్వారా మెరిట్ కార్డులను డౌన్‌లోడ్ చేసుకోవచ్చు. అభ్యర్థులు సాధించిన మెరిట్ ర్యాంక్ మరియు రిజర్వేషన్ల ఆధారంగా సీట్ల కేటాయింపు ప్రక్రియ జరుగుతుంది. కాలేజీల ఎంపికకు అర్హత సాధించిన విద్యార్థులకు సంబంధించిన సీటు అలాట్‌మెంట్ సమాచారాన్ని వారి మొబైల్ నంబర్లకు మెసేజ్ రూపంలో పంపించనున్నట్లు సంస్థ స్పష్టం చేసింది.