జూన్ 8న ఆలస్యంగా మొదలైన రుతుపవనాలు ఇప్పుడు వేగవంతం అయ్యాయి. గడిచిన 24 గంటల్లో ఆదిలాబాద్ జిల్లా భరంపూర్‌లో అత్యధికంగా 9 సెంటీమీటర్ల వర్షం కురిసింది. ములుగు, భద్రాద్రి కొత్తగూడెం, ఖమ్మం సహా ఉత్తర తెలంగాణ జిల్లాలకు వాతావరణ శాఖ ఎల్లో అలర్ట్ జారీ చేసింది. ఎండల తీవ్రతతో ఇబ్బంది పడుతున్న ప్రజలకు, పంటల సాగుకు సిద్ధమవుతున్న రైతులకు ఈ వానలు ఊరట కలిగించనున్నాయి. రానున్న నాలుగు రోజులు రాష్ట్రవ్యాప్తంగా మోస్తరు నుంచి భారీ వర్షాలు పడే అవకాశం ఉంది. ఉరుములు, మెరుపులతో కూడిన వర్షాలు కురిసే ప్రమాదం ఉన్నందున ప్రజలు అప్రమత్తంగా ఉండాలని అధికారులు సూచించారు.

Read also: Fee Reimbursement : తెలంగాణ విద్యార్థులకు శుభవార్త

Telangana heavy rain forecast

విస్తరించిన రుతుపవనాలు, పెరగనున్న వానలు

రాష్ట్రవ్యాప్తంగా రుతుపవనాల కదలికలు చురుగ్గా మారడంతో వర్షాలు పెరిగాయి. ముఖ్యంగా బుధవారం నుంచి వర్షాల తీవ్రత మరింత ఎక్కువయ్యే సూచనలు కనిపిస్తున్నాయి. ఆదిలాబాద్, కుమురంభీం ఆసిఫాబాద్, మంచిర్యాల, నిర్మల్, కరీంనగర్, పెద్దపల్లి జిల్లాల్లో వర్షాలు పడనున్నాయి. జయశంకర్ భూపాలపల్లి, మహబూబాబాద్, వరంగల్, హనుమకొండ జిల్లాల్లో కూడా భారీ వర్షాలు నమోదయ్యే అవకాశం ఉంది. గత కొద్ది రోజులుగా కురిసిన వర్షాలతో జగిత్యాల, నిజామాబాద్, నల్గొండ జిల్లాల్లోని పలు మండలాల్లో జనజీవనం పుంజుకుంది. ఎడపల్లి, దామరచర్ల, చింతపల్లి ప్రాంతాల్లో 8 సెంటీమీటర్లకు పైగా వర్షపాతం రికార్డ్ అయింది. సాధారణంగా జూన్ ఆరంభంలో రావాల్సిన వర్షాలు ఈ ఏడాది కాస్త ఆలస్యంగా వచ్చినా, ఇప్పుడు ఖరీఫ్ సాగు పనులకు అనుకూలంగా మారాయి. వాతావరణం చల్లబడటంతో రైతులు సాగు పనుల్లో నిమగ్నం అవుతున్నారు.

Telangana weather update:రైతన్నల్లో పెరిగిన ఆశలు, సాగుకు అనుకూలం

ఖరీఫ్ సీజన్ సాగు పనులకు ఈ వర్షాలు ఎంతో మేలు చేస్తాయని వ్యవసాయ నిపుణులు పేర్కొంటున్నారు. జూన్ నెలలో ఎండల ప్రభావం ఎక్కువగా ఉండటంతో రైతులు ఆందోళన చెందారు, కానీ ఇప్పుడు పరిస్థితి మారింది. రాష్ట్రవ్యాప్తంగా వాతావరణం అనుకూలించడంతో పంటల సాగు సజావుగా సాగుతుందని రైతులు భావిస్తున్నారు. వర్షాల వల్ల భూగర్భ జలాలు పెరిగి, చెరువులు, కుంటలు నిండే అవకాశం ఉంది. అధికారులు ఎప్పటికప్పుడు వర్షపాత వివరాలను సేకరిస్తూ అప్రమత్తం చేస్తున్నారు. భారీ వర్షాల సమయంలో ప్రజలు తగు జాగ్రత్తలు పాటించాలని, ముఖ్యంగా లోతట్టు ప్రాంతాల వారు సురక్షితంగా ఉండాలని హెచ్చరించారు. రానున్న రోజుల్లో మరింత విస్తారంగా వర్షాలు పడే అవకాశం ఉండటంతో పంటలకు అవసరమైన నీరు అందుతుందని భావిస్తున్నారు. వాతావరణ శాఖ సూచనల మేరకు రైతులు తమ వ్యవసాయ పనులను ప్లాన్ చేసుకోవడం మంచిది.

Epaper: epaper.vaartha.com

తెలుగు రాష్ట్రాల్లో రేపటి నుంచి రేషన్ బియ్యం పంపిణీ